2019年12月9日星期一

羅仲謙自爆曾為老婆冬夜跳海汪明荃：楊怡幾任性㗎 __,楊怡,汪明荃,羅仲謙,

羅仲謙自爆曾為老婆冬夜跳海汪明荃：楊怡幾任性㗎

羅仲謙自爆當年冬夜跳海追求楊怡被拒，汪阿姐聽得問得好肉緊。

羅仲謙跟老婆楊怡於2011年合作劇集《On Call 36小時》撻著，拍拖5年後於2016年結婚，至今恩愛如昔。

羅仲謙在昨晚播出的綜藝人節《娛樂大家》真假話題環節自爆「曾為追女仔深夜冬天跳海」，被問是否楊怡時，他都拒答；但主持人汪明荃（阿姐）開口問，他就乖乖回答「係」。謙仔說當時在港島一個沙灘：「佢大我，又睇唔出我真係咁大膽跳」，阿姐即謂：「楊怡幾任性㗎，佢做過我個女」；當得知阿怡當時答應謙仔肯跳就做他女友，阿姐再謂：「咁抵啦你，又識游水，教練嚟嘅，難唔倒你」。

羅仲謙除淨內補跳落海由沙灘游出浮台，並大叫：「可唔可做我女朋友？」阿姐續問：「你上咗嚟佢滿唔滿意你做法？」羅仲謙說：「最蝕底…唔知佢滿唔滿意…」這時有人笑說「冷縮熱脹」，坐在阿姐身旁的森美就想歪不停在狂笑，阿姐忍不住出手打森美說：「咪嘈」阿姐再問：「佢有冇應承？」謙仔答：「冇。（有冇後悔？）有，諗返係好危險，因為冇救生員。」總括阿姐都信羅仲謙講真話，並強調：「佢真係好鍾意阿怡。」