閃到盲。
藝人蕭正楠同黃翠如2018年成婚後一直都好恩愛，不時喺社交網放閃令人羨慕！啱啱踏入2020年佢哋又發功，先後Po出兩張攬到實嘅背影照晒恩愛，翠如留言：「2019，我們的第二年。關於婚姻，我們還是初學生，繼續學習。」而蕭正楠就搞笑話：「我會…我會…還返件外套畀你啦喂呀！」睇番兩張相，翠如同蕭正楠都分別着住同一件黑白格仔長褸，點解要咁做呢？
翠如話今次去異鄉淨係帶咗兩件褸，但係蕭正楠係都要着埋件黑白格仔出街，仲着住企喺街不停叫翠如幫手影靚相，據蕭正楠所講，其實佢咁做當中係充滿愛意，因為擔心老婆出到街會凍，所以就用着埋佢件褸嘅藉口帶埋出去，咁就唔怕老婆凍嘅時候冇衫着！唔少網民留言大讚蕭正楠嘅舉動甜到爆，仲話着暖咗先畀老婆，翠如實熱到標汗。不過就有網民認為係蕭正楠帶唔夠褸，所以先用呢條橋借老婆件褸着。究竟邊個版本先真？就要佢哋自己先知
來源 source: http://hk.on.cc
|
鍾意就快D Share啦！
|
|
|
