莊思敏昨日到旺角出席捐血活動，對於妹妹莊思明日前在社交網絡上發千字文投訴，指在航班內多次被空姐忽視借筆要求，其後更貼出所乘坐航班的機組人員名單，遭網民鬧爆洩露私隱，莊思明為妹妹護航，指網上世界很容易將事情發酵到有理說不清。
賴網民刺激
莊思敏說：「我有同個妹傾過，一開始可能佢只係想分享件事，將自己唔開心經歷講出嚟。後來因為一啲激進言論令佢一時衝動，佢又陸陸續續post唔同嘢出嚟，令到件事繼續發酵。」她又稱妹妹性格執着，每件事情都要不斷解釋，但她認為這套方法在網絡世界上行不通：「網絡世界你要一個對咁多個，你解釋唔到咁多嘛，希望件事盡快平息，唔好再影響到其他人。」
對於妹妹上載機組人員名單的行為，莊思敏說：「最初佢只係分享借筆同唔借筆嘅言論，唔知道有乜嘢人嘅言論刺激到佢，令到佢post出一張有機組人員嘅名單出嚟，呢件事相信令到好多人唔開心，我妹妹都覺得呢件事影響到人係唔好意思，自己唔應該太衝動。」
莊思敏指名單應不牽涉法律問題：「上面只有姓名，冇其他個人資料例如身份證號碼、地址，電話都冇，呢份文件喺我妹妹立場唔係一份confidential，所以佢冇為意到。」
做法未必對
莊思敏亦同意妹妹今次做法未必對，又指以後妹妹生日，都以一打筆做禮物，她說：「我會喺佢所有褸袋度插滿晒筆，總之上機一定有筆用。」
採訪：曹家誠
攝影：仇志德
|
鍾意就快D Share啦！
|
|
|
