鄭敬基發現66歲的盧宛茵沒有口罩，於是送上口罩解困。而盧宛茵也直言為撲物資感到徬徨：「而家非常時期，大家都好難，又要搵食，又要搵物資，撲呢樣撲嗰樣，個個都好辛苦。」
其實，Madam Lo正正是香港老人家的寫照，在武漢肺炎肆虐、口罩難求的情況下，不懂上網、不會網購，只能天未光便起身排一日隊，還不一定買得到，很陰公。
原來，Madam Lo手上只剩幾個散裝口罩，且是幾年前用剩放在櫃子內的，現在摷返出來用。
「諗住唔得喇要去買，所以咪去撲口罩囉。好徬徨好驚，於是打算自己整口罩，唔掂咪塞廁紙，用兩隻手用廁紙掩著口出街，唔係點啫。」她無奈地說。
不夠口罩用，Madam Lo也不太敢開口勞煩兒女，因為當年婚姻失敗，讓兒女在破碎家庭成長，她覺得虧欠。
「我都有問佢哋，佢哋就上網撲口罩，但係話上網搵都無。佢哋一家大細我就費事啦，就算撲到佢哋自己都需要，佢哋咁多人，又要供應埋畀傭人用。所以，我都無咩喇。」
幸好媳婦有心，買不到外科口罩，便分享布口罩給Madam Lo，Madam Lo便為布口罩加工，「出面包住保鮮紙，入面塞廁紙頂住先」。雖則「唞氣都辛苦，但無辦法，好處係可以洗，次次戴完出街返屋企就洗」。
她就是用這種自製口罩，外出撲物資。66歲，一個人，別說不辛苦！
「我真係無人哋咁叻，一個人捧唔到咁多嘢。就算拉架車仔去買，都買唔到咁多，所以都頭痕㗎。一嚟自己一個人無能力啦，我點攞咁多？就算而家撲廁紙都係㗎，我點抱咁多條呀！無辦法，唯有盡量自己解決到就自己解決囉。」
肯撲，不一定撲到，很多時是撲空，Madam Lo說：「我屋企樓下商場都有幾間藥房，但係都唔使行入去，佢門口已經貼晒話『無口罩』、『無消毒藥水』、『未知幾時來貨』，貼晒喺度，你都唔使行入去。跟住去嗰間泰國嘢咩阿布泰，睇報紙知道佢有，咁就又去嗰度搵，但都係無，又係貼晒喺度話賣晒。又走去屈臣氏問，因為我平日都有去屈臣氏配啲藥，問啲職員都話：『無晒，一係你自己朝頭早嚟排啦。』我問幾點，佢話最穩陣就八點幾。又撲空，撲廁紙都係無，真係好慘，周圍撲呢樣撲嗰樣。」
Madam Lo買不到口罩，仍然要回TVB工作，在《卡拉屋企》飾演兒子的鄭敬基，即時疫中送罩，令她大為感動！
「梗係(感動)啦，我啲朋友都好好，因為當你無，當你需要用嘅時候，有幾個即刻送到嚟我屋企樓下俾我，我都好感激佢哋。」
朋友送的口罩能解燃眉之急，但長遠來說仍會煩惱！誠如Madam Lo所說，「第一，唔知個疫情last（持續）幾耐。第二，聽聞啲廠未開工，驚啲物資唔知點。」所以這段日子裡，她覺得好似好慘、好煩惱、好sad，無乜心情同心機。「盡可能喺屋企唔好出街，唔好去人煙稠密地方，日日自己喺屋企咪食杯麵囉。」
講起杯麵，Madam Lo家中儲糧也不多，「兩、三罐午餐肉，幾罐湯，有啲杯麵，雪櫃凍嘅幾片火腿，就係咁樣」。
她說現在非常時期：「大家都好難，又要搵食，又要搵物資撲呢樣撲嗰樣，個個都好辛苦，尤其是啲老人家排隊排天光，又唔識上網買叫人送嚟，唯有靠自己去買，但落親街都驚，睇見都慘，好陰公。」
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
]
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
|
鍾意就快D Share啦！
|
|
|
