【頭條獨家】告別作《法證先鋒IV》收視勁 梅小青望黃心穎有重生機會
梅小青監製的告別作《法證先鋒IV》收視高開，首集收視達35.7點，成為近年高收視劇集之一。梅小青認為係台前幕後努力嘅成果，除咗主角，就連瞓屍袋嘅黃祥興、謝芷倫及因濫藥失理智着Bra top演出的趙璧渝都相當盡力，更坦言以戲論戲，黃心穎都係稱職演員。採訪：方騫平
梅小青自言劇有劇運，加埋全體人員合作性造就了《法證IV》完美嘅結局。問到黃心穎事件令劇集要重拍，係咪美中不足？小青姐反而由好處去看呢件事：「從影咁多年未試過易角再拍嘅case，退休前都畀到一個好好嘅體驗，好似朱晨麗拍緊《大醬園》，髮型唔可以有改動再補拍，只好修改劇本，既要接得返啲戲，又不失原有嘅嘢，部份場口搵人做佢替身，正面攞得返佢嘅片，所以只cut咗佢2至3場戲啫。有啲片其實心穎坐咗喺度嘅，只係用特效將佢抹咗，由演員再接返動作及對白，因為都有好多大場面係冇辦法拍得返，唔捨得將一啲演員剪走，唯有靠無縫剪接。」
讚好演員表現佳
談到演員表現，小青姐說：「雖然湯洛雯頂替重拍好緊張，壓力好大，但見住佢愈拍愈好。至於李施嬅做法醫對白唸得好純熟；煒哥講對白抑揚頓挫、好清晰；譚俊彥、朱晨麗等每個演員都好努力；黃浩然仲相當配合畀期重拍，其實黃心穎都係稱職演員，佢拍任何劇都好認真，尤其笑容甜美可以做鍾嘉欣第二，本身有咁好前途，犯錯受到好大嘅懲罰，都希望佢日後有重生機會。」
來源 source: http://hd.stheadline.com
|
鍾意就快D Share啦！
|
|
|
