掃呢頁CODE去手機

2020年3月17日 星期二

胡子彤:冇聯絡舊愛歐鎧淳 胡子彤Ready新戀情 #歐鎧淳 #胡子彤

胡子彤話依家冇拍拖。藝人胡子彤以新髮色現身電台宣傳創作新歌《那時候》,問到是否轉型做創作歌手?他笑言正努力中:「仲未得住,但自己都想試吓,所以都有去上 ...




胡子彤話依家冇拍拖。


藝人胡子彤以新髮色現身電台宣傳創作新歌《那時候》,問到是否轉型做創作歌手?他笑言正努力中:「仲未得住,但自己都想試吓,所以都有去上堂學唱歌裝備吓,細個就鍾意表演、唱歌,有參加Drama、合唱團。」


疫情之下,胡子彤表示沒有對工作有太大影響,公司都有Online平台發揮,又趁這段時間學唱歌、睇書添墨水。講到日前因一張IG相、再加令人起疑心的留言,被指疑似有新戀情,他聞言即澄清冇新戀情:「都係寫啲嘢,覺得IG啲嘢好負面,想寫啲開心、正面嘢,最近仲有玩埋菲林相機,睇吓有冇機會出散文。」續坦言已走出情傷,Ready接受另一段感情:「仲搵緊,唔強求,要遇啱先得,但依家唔敢出街,所以唔心急。(有搵前度歐鎧淳?)暫時未有。(有冇諗過撞到佢第一句講咩?)都係『你好嗎』,大家都係行內人,遲早都會撞到。」


胡子彤榮幸謂今次得到老闆賞識,為有份演出的電影獻出處男唱:「同公司去唱K都成日拎咪唱。(係咪霸?)唔係!係我點歌率較多啫,老闆一問我唱唔唱插曲,我幾秒就決定唱,但嗰陣都未諗要填詞,係音樂班底想叫我寫吓啲嘢,了解吓我想法,寫寫吓就有第一份詞。(識玩樂器?)中學有彈結他,但唔係彈得好好,最近都買咗支新結他努力吓,同一時間唔可以太多嘢做,唔係嘅話會分心。」新歌推出後,他說都收到好、壞評語,但完全不介意:「咁先有改善空間,朝住多一個新身份下苦功。」

來源 source: http://hk.on.cc
鍾意就快D Share啦!