何遠東開心可以遇到一部好劇。
藝人何遠東有份參演的無綫熱播劇《十八年後的終極告白》高潮迭起，兇手身份近日於網上引起熱議，有人猜測外表正直的「肥仔富」（何遠東飾）是幕後黑手，因心儀「阿嫂」楊卓娜，雙重人格驅使他犯案。
對於引起網民熱話，何遠東「劇透」：「估我殺人？都有可能㗎，但即使知道邊個係兇手，故事都未完，仲會有驚天秘密被揭發，我哋幾兄弟跟住愈行愈遠，陸續仲會有人死，劇中女主嘅下場都令人幾擔心，總之我哋幾個接到劇本後都覺得好震撼！」
談到女主角黃智雯表示難抽離角色，何遠東認同：「拍攝時我都唔想見到男主角譚俊彥同陳山聰，因為一見到佢兩個就『有事發生』。
記得開工時我仲叠住舞台劇同教學嘅工作，真係忙到心力交瘁，有晚排完戲返公司開工，心情極度低落，結果喺林師傑同導演嘅關心下，我精神崩潰喊咗出嚟，但抒發後就可以重新振作。」
入行12年後遇上呢次機會，何遠東形容「好難得，完全冇諗過」，並打趣說：「係人生高峰，算係個好開始，希望機會陸續有嚟」
來源 source: http://hk.on.cc
|
鍾意就快D Share啦！
|
|
|
