- 【國安法殺到】黃秋生打算賣盡資產避走：最黑暗嘅時候，未必係黎明前夕
- 2020-05-29
國安法殺到，人人自危，現正身在台灣拍劇的黃秋生，對於眼前的政治環境，以及長期受打壓，令他生計出現問題，歎謂：「我頂唔住，但係頂唔住都要頂，我唔想，成日都偷偷地喊。」
- 今日秋生接受李婉華的網上頻道《住加女人》訪問。
「香港都冇得搵食」
今日（29日）秋生接受李婉華的網上頻道《住加女人》訪問，李婉華游說他到加拿大居住，秋生說：「我都想呀，但係嚟咗唔知做乜喎，啱啱喺香港諗住搞啲網絡嘅嘢，點知就搞成咁，依家活動都驚呀，點知佢當你係乜嘢呀？喺文字上唔知點理解，個個都驚！邊度有得搵食咪去邊度囉，香港都冇得搵食，仲留喺度做乜嘢？連食都冇得食，唔通吸氣呀？」
秋生坦言將來可能移居加拿大，「因為個仔都係喺嗰邊，只不過係諗去溫哥華抑或多倫多，不過個仔住嗰度好細，唔夠地方住。」
「賣得就賣，收得就收」
李婉華指當地生活費不會太貴，秋生即說：「唔會好貴都冇晒錢，我依家爭人好大筆數，係一啲好大嘅債務。我喺台灣留兩個月，之後返去搬屋，賣得就賣，收得就收，再諗下一步，返番去廿幾歲一無所有嘅時候。」秋生早前已刪除FB，他說：「我都Delete晒，早幾日直頭係上唔到，借傷成毒，費事上（FB）同費事講，反正我喺兩個月之前，突然間覺得唔應該再喺嗰個平台，同啲人糾纏，所以咪停咗。依家擺吓啲煮嘢食、飲吓茶嘅相就算，但係咁都俾佢Block埋，好似連飲茶都冇資格。」
「何超儀幫咗我一嘢」
在低潮中，他慶幸有朋友出手相助，「喺我有困難時候，好多朋友都突然間走出嚟，好似何超儀，佢幫咗我一嘢，佢真係突然間出現。仲有，最近有諗過賣點心，點知噚日有朋友問我有冇興趣搞呢啲嘢。」「漫漫長夜，有排呀」
對於有人認為目前香港處於最黑暗的時候，但黎明在即，秋生卻不太樂觀，直言：「最黑暗嘅時候，未必係黎明前夕喎，咁鬼黑暗，你又覺得一陣就畀你救咗出去？有幾多死喺入便唔知啫，漫漫長夜，有排呀！不過我覺得早好過遲，係嚟就嚟，立咗法，仲有乜嘢好驚？香港人已經面對咗最惡劣嘅環境，搞得掂都唔知乜嘢世界，不如搞咗維港夜晚建築物啲光先喇，一年半載，維港啲燈全部熄，點解要熄？慳電呀，都冇錢；點解會冇錢？經濟唔好嘛！點解經濟唔好？外資撤走晒嘛！咪就係咁簡單囉，錢都冇，仲搞乜嘢執行，嘥氣！」----------------------------
APP 內訂閱
1Click 搞掂 輕鬆簡便
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|