湯盈盈在2012年與錢嘉樂結婚，婚後誕下大女凱晴（Alyssa）和二女凱琪（Kassidy），一家四口過着幸福的生活。做了人夫兼爸爸的錢嘉樂，近年工作發展得不俗，所以照顧兩個囡囡的重任主要落在盈盈身上，難得盈盈拍處境劇《愛回家》的同時，亦可以兼顧照顧囡囡，稱得上是supermom！
武漢肺炎疫情肆虐，特區政府宣佈一系列防疫措拖，呼籲大家盡量避免到人多的地方，學校亦都要停課，直到近日終於出現零確診的日子，結果宣佈放寬限聚令，學校終於復課有期。日前《蘋果》在銅鑼灣時代廣場遇見盈盈，同行還有Alyssa、Kassidy和外傭姐姐，反而未見錢嘉樂的蹤影。當時她們一行4人在商場內行街，兩個囡囡見到中庭有展覽，立即叫媽咪幫手影相，盡得爹哋媽咪真傳的Alyssa和Kassidy，在鏡頭前擺晒pose，影完相後要立即睇相！
其後盈盈去了睇美容產品，接着到了頂樓的書店，兩個女兒極速各自買了一個獨角獸公仔，後來她們去了地下的超市買外賣，可能因為難得外出，所以兩姊妹全程表現興奮，不時在商場內跑來跑去，雖然盈盈正在購買食物，但她亦分心示意囡囡不要亂跑，身為家姐的Alyssa很快便停下來，反而妹妹有時玩得忘形，結果家姐多次上前拖實妹妹，其間聽到她們全程用英語對話。
盈盈買完外賣後，一行人齊齊去停車場攞車，離開前她笑說：「我哋出嚟剪頭髮，好耐都冇剪。」
採訪、攝影：梁繼光、羅德光
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
