【新增內容】
「安心事件」不經不覺已經一年有多，事件主角之一的馬國明今日凌晨於IG大方承認與大台花旦湯洛雯相戀，至於「領銜主演」的人夫許志安亦已停工14個月，最近有消息指他有意於ViuTV節目秘密出山試水溫。據《蘋果》今日收到可靠消息，安仔確定將於後日（即6月15日）復工，在九龍灣國際展貿中心ViuTV一號錄影廠為「寶麗金50周年Chill Club」做嘉賓唱歌。
去年姦情被揭，許志安於記招聲淚俱下表示：「我係一個壞咗嘅人，期望大家可以畀時間我搵番自己。」今日有報道指，安仔於這一年內有咁低調得咁低調，連朋友間的飯局亦絕少現身。陷入低潮的安仔未有被朋友離棄，身邊朋友不斷游說他盡快復工，不要放棄歌唱事業，據報道指其好友Joey Tang（鄧建明）參與演出《Chill Club》的時候，認為這類型音樂節目很適合安仔，所以出盡辦法替他找一個好機會，再現幕前。
獲老婆Sammi（鄭秀文）的原諒及支持的安仔其實早於上年已獲Joey Tang邀請擔任其演唱會嘉賓，當時安仔表示會考慮一下，不過最後也沒有應承，事關他覺得自己還未準備好。今次老友再次力邀，加上老婆Sammi的鼓勵，安仔如果今次試水溫成功，便會與其他兄弟為梁漢文10月的紅館個唱當嘉賓，再踏紅館。
安仔戰友黃柏高（Paco)今日接受《蘋果》電話訪問表示：「之前係傾過，係咪上節目，了解下先，因為我呢段時間冇處理咁多嘢。」安仔跟太陽娛樂還有合約嗎？Paco表示：「仲有一段時間，因為疫情停晒所有嘢，活動停晒，合約喺合理下友好順延。」問到安仔現時情況，Paco說：「佢ok，好熱心做教會嘢，又幫手派口罩。」是否已ready復工？Paco說：「而家個個都冇工作，等疫情過咗先。」至於Joey Tang則說：「冇呀，我係去年我演唱會，我就試吓邀請佢嚟，但佢話未ready。」而《Chill Club》監製葉子文就守口如瓶說：「我都未知道呀，未收到消息。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
