（新增內容）
還剩一周便要停播的港台節目《頭條新聞》，今集繼續以國安法為主題。甫開場太后與徐副官笑言歡迎觀眾收看「宮刑電台」特備節目，叫大家要正面攬抱國安法，大后並解釋該如何「正面」支持國安法：「支持國安法嘅朋友，如果喺街站簽名，就一定要畀人影到你個正面。」而當徐副官問到該如何「攬抱」國安法？太后則指不當國安法是法律，要當它是情人，這樣大家才會大力擁抱、維護及相信他。
之後節目內播出藍奕邦自彈自唱的訪問，他表示為訪問選取《六月》這首歌的原因，是因為希望這歌能為香港人宣洩到情況：「同埋我都驚喺不久嘅將來，呢首歌會變成一首禁歌。」訪問內穿插6.12金鐘的反送中集會片段、示威者被暴力拘捕片段、香港人遊行片段等，襯托着藍奕邦的訪問對白：「過去一年嘅感受，我同好多香港人一樣，每一日都會經歷一百種情緒，係唔知道自己原來可以咁憤怒，唔知道自己可以咁沮喪。」他又指雖然這段時間是香港最壞的時間，但他有感這段時間亦是最好的時間，因為他從未見過香港人可以如此團結、能認清甚麼才是重要的，明白甚麼是自由與公義。當藍奕邦唱到「我對天 高聲一再呼喊 從無回覆一下 也許衪根本當凡人是個笑話 淚滴變成飛花 人們無需念掛」這幾句歌詞時，畫面播出人大通過國安法、克警濫捕、有人擺街站撐國安法的片段，不禁令人心酸。
《頭條新聞》播出後，港台即在YouTube上載了藍奕邦的完整版訪問片段，當中他表示自己早於2014年雨傘運動時，已經想在社交媒體上發聲，惟當時被唱片公司阻止，藍奕邦說：「但係當時唱片公司就會打嚟叫唔好post，delete咗佢，最終嗰個重點就係『如果你post咗，你返唔到內地搵食喇。』呢樣嘢係我近十年喺呢個行業，一樣幾失望嘅嘢。」早前藍奕邦曾表示自己患上情緒病，他在訪問內表示，當自己病得快要死去，他回望過去，才發現人最重要是可以忠於自己、有話直說：「呢個世界會變成點我唔知，但係我好希望嚟緊落嚟嘅香港，大家都會繼續有一個自由去選擇，而唔係話一個權威去控制你嘅情緒或者思想。」
藍奕邦又以自己的病來形容現時的香港：「香港而家經歷緊好病好病，好多好荒誕、骯髒嘅嘢發生，某程度上佢可能係排緊毒。有樣嘢叫否極泰來。你要有病先有抗體，你要有抗體先可以打仗。」訪問尾聲，有加拿大戶籍的藍奕邦，表示自己雖然可選擇返回加拿大，但他坩言不希望離開香港：「香港始終係我屋企，我都係香港出世，好想留低去同香港人一齊醫好呢個病。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
