敖嘉年今天於新城接受好友啤梨（葉文輝）的電台訪問，順道跟啤梨敍舊，嘉年也是電台出身，他直言也很懷念做電台的日子，若現在有機會，他也希望可以開咪當主持，做一些遊戲節目，帶歡樂給聽眾。
提到無綫藝人陳家良，雖然入行8年，但近兩年不停減騷，只靠不到3千元的底薪，實在難以為生，本月約滿後將離巢。嘉年表示不認識對方，他說：「3千蚊捱咗好耐？我當年入去都OK㗎，都過萬㗎，我年年都爆騷，同埋當時同新城一齊做，有廣告錄，所以當時唔錯，對於我嚟講唔係好大嘅問題。」
嘉年回想起當年入行時，也曾經有過要捱的日子，他感慨說：「我明白嘅，讀訓練班實習緊人工可能會少啲，但係每一行都要捱嘅，自己去想辦法去維生，我都試過㗎，少工作嘅時候會喺eBay賣啲有關魚嘅用品，一拍劇或多嘢做就兼顧唔到，要專注拍劇，所以係有方法嘅。睇吓自己喜唔喜歡嗰份工作，係好緊要，你唔喜歡又低人工，咁好難做，一係好厭惡份工，一係好低人工，但係你好喜歡嘅工作，可以搵其他方式去生存。我諗唔止呢一位後輩嘅，好多行內嘅舞台劇、電影同好多幕前，都面對緊呢個問題，所以大家都盡量想辦法啦。」
採訪、攝影：羅慧敏
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
