前度馬國明同好姊妹撻著 酸爆黃心穎送上祝福
「安心偷食事件」後，揚言絕對唔會再搵貪慕虛榮「港女」嘅馬國明，痛定思痛，經過一年多精挑細選下，終於同黃心穎好姊妹，33歲上位小花湯洛雯暗撻兩個月，現年46歲鑽石筍盤馬明終於封盤。舊愛黃心穎短訊回覆，大方向馬明送上祝福：「我祝福佢身體健康、平安。佢私人嘅事留番畀佢私人。」
黃心穎喺「安心事件」後去咗美國避世8個月，有指心穎喺美國期間，曾多次向馬國明發短訊及以視像電話箍煲，馬明都一度有心軟過，只不過遭馬明媽媽極力反對，孝順仔聽阿媽話決定斬纜，後來才改以「朋友」來形容同心穎關係。心穎人財兩失，即使返港後依然未能「解凍」重見天日，唯有拍些帶有正面訊息嘅片放上網保持人氣，兼且乘機洗底。
無論劇集及男友，黃心穎被好姊妹湯洛雯全面接收！唔少網民戥馬明搵到真愛感到開心，送上祝福說，「祝福兩人無風無浪，恩愛到老！」亦有大讚兩人好合襯外，有網民抵死留言：「千祈唔好學啲姣婆，人前一個樣，人後偷食人夫。」睇嚟始終原諒唔到黃心穎嘅過去。
來源 source: http://hd.stheadline.com
|
鍾意就快D Share啦！
|
|
|
