2020年6月25日星期四

誘網友睇片派3點式泳衣福利　莊端兒索相連已婚火火都畀Like #火火 #莊端兒

誘網友睇片派3點式泳衣福利　莊端兒索相連已婚火火都畀Like

莊端兒攞16年寫真集《As She Was Born》索相誘網友，連火火都畀Like。

莊端兒早排因為疫情關係，經常留家避疫搞到肥咗好多，自然派少咗福利，不過今日她再出手大晒性感3點式泳衣照，雖然已經係16年嘅作品，但係一樣令粉絲狂畀Like，連已婚嘅火火一樣畀埋Like一份。其實莊端兒今次目的當然唔係晒性感咁簡單，只係拋磚引玉宣傳佢另一個社交頻道嘅新片。不過，睇見呢啲索相，網友當然多嘢諗，反應除咗係最基本嘅靚、索同心心眼公仔過外，都有人寫得好搞笑，好似有「貼呢張相唔炒車都難啦」、「我暈喇。。有冇人扶一扶我」，當然亦有啲錯重點嘅網民，竟然留意到莊端兒嘅髮型好搞鬼咁話「特朗普執陰」。