已婚前DJ陳達仁早年發掘新女安采妮，兩人孖住主持網上節目《達仁在線》，而且關係曖昧。今年5月，安采妮忽然拍片放上網，並聲淚俱下數臭受到陳達仁滋擾，更公開請求陳達仁收手，不要再對她施「極刑」。陳達仁事後否認瞞妻追求安采妮，但他卻租屋給安采妮居住，二人關係複雜，陳達仁之後還承認已跟太太搞離婚，安采妮為避開陳達仁嚴密監控，亦索性搬走。
近日有人在FB爆料，指安采妮介入香港犬隻訓練總會犬隻行為糾正顧問朱學文（朱Sir）和拉丁舞導師盧雅茵（Joe）的婚姻，內容指朱Sir甘願借出其村屋底層單位給安采妮暫住，與疑似第三者變成樓上樓下，但朱太懷疑老公出軌，於是把一堆衣物掟出街，並貼圖上網及留言：「大掃除，真開心 #賤人狗男女姦夫淫婦老淫蟲速速走 #光頭淫蟲搞0靚模」。安采妮在短短一個月內，捲入兩個家庭，爆出五角關係。其實《蘋果》亦收到風，朱太曾出手對付第三者，亦決定跟老公離婚，而安采妮為避嫌近日已火速搬走。
就有關傳聞，《蘋果》致電安采妮求證，她講出自己的版本：「我今年1月做義工認識朱Sir，但我越來越忍受唔到陳達仁控制我，4月20日離開佢，我4月25（日）帶住10隻狗、5隻貓同一個工人搬走，朱Sir租咗佢村屋樓下嗰層畀我，月租1萬，不過住落我發現朱太情緒好激動，對我有誤解，佢完全唔聽我解釋，住咗兩個月，朱太6月21（日）趕我走。我同朱太唔熟，平日只係hi同bye，不過朱Sir係我好朋友，我哋係師徒關係，一齊做義工幫助領養犬隻同訓練。」安采妮否認朱太掟走的一堆衣服屬於她：「嗰啲係朱Sir嘅衫，唔係我嘅。」安采妮指自己搬得急，現時仍有東西留在屋內未搬走，但有人換走門鎖，她未能返去取回自己的東西。
安采妮強調朱Sir離婚跟她無關，她解釋：「我聽講佢哋兩年前婚姻都有問題，嗰時我都未識朱Sir，唔關我事。」安采妮指斬斷跟陳達仁的關係後，自知很難重返幕前工作，她為自力更新，駕駛電單車做foodpanda送外賣，她續說：「朱太誤會我，其實由頭到尾我都係冇還手，嗰位太太點樣對我，我最多都係行開或者被掟中或被打咗幾下，所以都唔算係乜嘢爭執，我搬走嗰日，仲俾佢個手機掟中，我部電單車之前亦被打爛。」安采妮出示電單車受損照片，除清楚看到車身被人劃花寫上「淫婦姦夫」外，錶板也被打爆和割爛凳，令安采妮很無奈。安采妮為人身安全再搬走，不過工作上仍有接觸朱Sir，問到二人會有發展空間嗎？她答：「所有嘢都有可能，唔可以講冇機會，我依然當佢係我師傅。」安采妮的FB近日貼出的相片，明顯有一個男士伴在身邊，但神秘人只見手未見樣。安采妮言語間不抗拒朱Sir，但卻鬧爆陳達仁：「我唔知自己前世做咗啲乜，會遇上咁嘅惡魔，佢對我嚟講係一個噩夢。」她自爆現在單身，還解釋「神秘手」的照片，主要是用來刺激陳達仁：「陳達仁曾經喺訊息講過，如果我證明到有拍拖，佢就會放手，我特登喺FB公開，畀佢覺得我有拍拖嘅相，等佢睇到啲相就死咗條心，唔好再騷擾我。」
而陳達仁亦似乎仍然很關心安采妮，他承認有聽過朱Sir和安采妮的緋聞，今日以短訊回覆《蘋果》時說：「有人借領養、教狗或打機之類嘅名義，經常到安采妮家中及附近活動，從而有所企圖，我認為係由男方先向女方行動，我認為安采妮一切舉動及思想行為均由朱sir策劃及安排，我非常震驚，太太親口問，朱Sir已承認呢段關係，對於佢哋嘅關係，我冇嘢再補充，亦都希望以後唔會再見到面。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
