【湯馬戀】爆馬明最近好黐身 蕭正楠：原來因為我同靚湯拍緊戲
蕭正楠與湯洛雯（靚湯）為新劇《一笑渡凡間》拍外景戲，亦是靚湯公開與馬國明相戀後、二人首度合作。
阿蕭表示之前已經分別WhatsApp給馬國明和靚湯恭喜二人拍拖。問到兩人有否拍拖徵兆？阿蕭笑道：「他們兩個都幾好戲，但發覺馬國明最近好黐我，原來我冇乜吸引力，係因為我和靚湯拍緊戲，不過好替他們開心。」說到二人以結婚為前提，阿蕭抵死道：「嗱嗱臨啦，今年搞埋佢！馬國明唔細，搵啱對象、拍拖時間長短不是重點。（有沒有心得過兩招他們？）肉麻這家嘢，除了我之外，馬國明就係第一，他們兩人應該識互相氹對方。」
說到靚湯父女都給馬國明100分，二人的情侶指數是否也100分？阿蕭謂：「他們拍拖好短時間，行吓先，但見他們都好sweet。（如果馬國明探班，跟靚湯拍親熱戲會否尷尬？）古裝戲好內斂，不過現在望住靚湯個樣會諗起馬國明個樣，不如都係唔好有親熱戲喇，哈哈。」
來源 source: http://hd.stheadline.com
|
鍾意就快D Share啦！
|
|
|
