直頭好似全城陪住「明湯戀」拍拖咁Sweet！
鑽石筍盤馬國明直認戀上無綫上位小花湯洛雯（靚湯），兩人大方公開晒愛，一夜間甜足成個香港，即獲全城送上最真摰嘅祝福！圈中大批大批好友已經即時發聲，個個明撐二人展開新關係，就好似《鐵馬家族》眾好友黃嘉樂、靚湯好姊妹高海寧及莊思明、蕭正楠、胡鴻鈞等，就連二人嘅舊愛們黃心穎同羅天宇都恭喜二人！
咁都仲未算，原來連一代女神鍾楚紅都有留意二人拍拖一事，消息一爆出就即刻轉發新聞，好窩心咁網上留言：「恭喜」再連加三個心心公仔，擺明睇好「明湯戀」，二人戀情直頭入晒屋！其實鍾楚紅曾與靚湯叔叔湯鎮業合拍電影《窺情》，鍾楚紅同湯鎮業關係友好，今次見到世姪女覓得真愛固然開心，加上「安心出軌事件」後，鍾楚紅亦覺馬國明經歷情傷後仍處處維護前女友黃心穎，對馬國明「好男仔」印象深刻，難怪今次都罕有公開支持戀情。
至於主角馬國明尋晚漏夜認完愛，今日亦已經出動開工，心情大靚嘅佢仲見人就冧笑，似足情竇初開咁甜。
來源 source: http://hk.on.cc
|
鍾意就快D Share啦！
|
|
|
