馬國明和湯洛雯前晚被爆拍拖後，隨即在Instagram公開戀情，連日受到傳媒追訪，今日下午1時許，湯洛雯離開大台出發到馬鞍山郊野公園為新劇拍攝外景，甜蜜回答戀情問題，而拍檔蕭正楠也發表「馬湯戀」的看法。
今日上午11時許，湯洛雯離開紅磡寓所返大台，化好妝兼換上古裝頭，其後隨外景隊出發到馬鞍山郊野公園，她到達公園甫下車，記者即一擁而上，湯洛雯先報以微笑揮手打招呼，被問到馬明有甚麼吸引她？她笑言：「我都諗唔到呀，哈哈！孝順囉。」問到父親節會否和馬明跟家人一起慶祝？湯洛雯說：「度緊期，有機會有時間咪一齊慶祝囉！」問到馬明的舊愛、她的好姐妹黃心穎知否兩人在一起？她即說：「哎吔！呢啲唔答喇！」
談到和馬明拍拖，會否視對方為結婚對象？湯洛雯大方回應：「其實每次拍拖都係認真嘅，太長遠嘅嘢未開始諗，因為太新啱啱開始，不過都好多謝大家嘅祝福，我見網上都有好多祝福我哋，所以好感恩，希望大家畀啲空間我哋發展」而她和馬明在IG貼出獨角獸和小馬公仔的照片認愛，問到是否定情公仔？湯洛雯甜笑說：「唔知點樣去解究，隻公仔係我㗎，我鍾意儲公仔，嗰隻馬仔咁啱係我儲開嘅。」
馬明表示是主動出擊展開追求，再問到她是誰做主動?湯洛雯開心謂：「er...佢答咗嘅嘢唔好問多次。」至於二人同時間在IG的限時動態出post，貼上代表兩人的公仔相，窩心留言：「獨角和小馬跟大家說：大家全部窩心的祝福我們全收了，我們會懷着感恩珍惜的心一直走下去。」對此湯洛雯坦言：「我哋都有共識想多謝大家，因為冇expect過有咁多祝福，我見有啲人直情話開心過自己拍拖，都咁多人Like，我覺得好開心好窩心，所以覺得應該要多謝大家。」
此外，湯洛雯在電視城接受訪問時，大讚男友有五大優點，包括：孝順、善良、冷靜、成熟、穩重，給她安全感，而且兩人都是佛系、夠宅及孝順，有共同話題，冧爆承認兩人拍拖以結婚為目標，視對方為一生一世的對象。對於有指她接收了好友黃心穎的舊愛和工作，而心穎知兩人拍拖送祝福，湯洛雯說：「多謝祝福，其實都係…緣份，我同佢一齊係冇計劃嘅。」被問見到心穎會否尷尬？她說：「暫時唔會諗，仲未發生，亦唔識回答。」
而蕭正楠表示二人公開戀情後已分別傳短訊祝福他們，問到事前有否察覺到任何蛛絲馬迹，或者兩人有曖昧舉動?阿蕭笑言：「佢兩個啲戲幾好㗎，冇乜特別迹象，就係發覺馬明呢幾個月好黐我，我同阿湯一齊開工嘛，我諗係呢個原因囉！我本身冇乜吸引力，不過見佢兩個一齊都好戥佢哋開心。」
對於二人拍拖都以結婚做大前題，阿蕭笑說：「咁就拿拿臨今年搞埋佢喇！因為馬明都唔細。搵到啱嘅，拍拖時間長短唔係重點。我諗公司入面講肉麻（說話）除咗我之外，馬明係第一，相信佢哋好識得互相去o氹對方，所以我覺得唔使太擔心。預測佢哋都係會好Sweet，我分別同佢哋合作過，兩個都係好對手，喺埋一齊係好事。」問到會否避免和湯洛雯有親熱戲？阿蕭笑說：「古裝戲好內斂，我而家見到湯個樣都會諗起馬明個樣，都係唔好親熱，冇謂」
採訪、攝影：徐錦池、陳慧安
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
