【馬明去咗邊】湯洛雯為索媽慶生 載全家福照唔見馬國明
馬國明與湯洛雯（靚湯）大方認愛，靚湯仲自爆去到已見雙方家長嘅階段，仲話爸爸湯鎮宗對馬明讚不絕口，畀足100分，媽咪都安心交出個女！因為他真係對家人好好，早已緊張問定，快將生日的媽咪喜歡甚麼？
昨晚靚湯在IG post出一家四口開心合照，留言Happy birthday mum。相中壽星媽V晒手，擺出勝利甫士，靚湯和細十年的高材生索細妹湯洛瑤（Cassandre）雖然守喺父母身後，但依然養眼，現場仲有生日蛋糕、花束及We love you汽球，相當有心思。不過，已融入湯家嘅馬國明卻低調冇影，全家福照入面未見有佢份！而昨晚馬明去咗無線新劇《BB大晒》煞科宴，以有工作為由，來去匆匆，約8時30分離開，未有時間接受訪問，唔知係咪趕住赴會。
網民大讚湯洛雯同媽咪係餅印母女，好靚，似兩姊妹，又追問點解唔見馬明？張相係咪由馬明影的？看來大家都好關心及接受馬明和靚湯呢一對。
來源 source: http://hd.stheadline.com
|
鍾意就快D Share啦！
|
|
|
