2020年7月7日星期二

同餅印媽咪為「老細」慶祝4歲生日阿Sa紥孖辮獲網友狂讚童顏兼可愛 #蔡卓妍 #阿Sa

同餅印媽咪為「老細」慶祝4歲生日阿Sa紥孖辮獲網友狂讚童顏兼可愛

阿Sa同媽咪為愛犬栗子妹慶祝4歲生日。

阿Sa（蔡卓妍）雖然已經37歲，但係向來童顏嘅佢平日真係唔多似，呢日佢貼出同佢「老細」之一嘅愛犬栗子妹慶祝4歲生日嘅相，仲話：「栗子妹4歲生日喇#個蛋糕梗係唔係俾佢食㗎啦#佢嘅生日禮物係番薯乾一條#個肥妹實在太為食#同場加映#靚靚冰皮妹妹#慘豬兩隻眼都白晒喇#ilovemypets#我老細s」由於紥咗兩條孖辮嘅阿Sa睇落真係超後生，加埋同佢餅印一樣嘅Sa媽一齊，即時令唔少粉絲完全錯晒重點，忘記生日嗰個其實係栗子妹，反而係咁讚阿Sa童顏同可愛咁，好彩栗子妹唔識睇字，唔係唔知會唔會嬲豬呢！？嘻嘻！