2020年7月7日星期二

【未解凍】傳再被飛出重頭劇　李佳芯上載黑白相為自己打氣 #李佳芯

【未解凍】傳再被飛出重頭劇　李佳芯上載黑白相為自己打氣

張寶兒已收到公司通知演麻醉科醫生，李佳芯只好喺社交網上載黑白相為自己打氣。

李佳芯（Ali）上年在社交平台發表的言論疑捲入政治風波，自去年拍完《愛美麗狂想曲》後一直坐定定，還以為主演嘅新劇《殺手》推出後正式獲解凍，點知一場歡喜一場空，有指Ali原先有份參演重頭劇《兒童醫院》，與鍾嘉欣、鄭嘉穎、馬國明和羅仲謙等合作，點知因為呢個劇好大機會同內地合作，無線睇住金主頭上唔敢搏，決定飛起走Ali，由張寶兒頂上。

面對種種傳聞，Ali今日（7/7）喺IG上載咗一張黑白相，寫着：「人生中你重視的人和事，往往只是一廂情願。要愛自己多些，才更有空間去被愛。Thank you.」加上hashtag #所得到的比想像的多，幸而Ali獲得大量網民打氣支持，好多都話支持她，買咗她新書著作，都叫做有啲安慰。