《東張西望》咪神李旻芳（Lucy）是愛狗之人，養有兩隻14歲大的金毛尋回犬BB和MuiMui，她早前在IG上載一張孭住約60磅重的愛犬行樓梯返屋企相片，引起好大迴響，大讚她是好媽媽，但亦有人覺得她「慘慘」，為何不搭電梯或搬屋？
眾所周知，大台人工微薄，Lucy和老公黃耀英都是《東張》主持人，日常起居生活當然要慳得就慳。Lucy昨晚上載一張笑到見牙唔見眼的婚照，但原來快樂背後都有很多辛酸，她直言要孭住愛犬上樓的理由很簡單，原因是屋企沒有電梯，她還趁機會感激老公能與自己一樣「心中富有」，她說：「好開心， 因為對上一個post，收到好多人留言同私信嘅鼓勵！想多謝大家支持，我會小心唔會整親自己㗎！放心啦我好大力㗎哈哈。亦有好多人有疑問點解唔搭lift要行樓梯。好簡單嘅答案就係屋企冇𨋢搭㗎。我唔想搬因為怕狗狗唔適應，同埋其實我覺得行樓梯都冇咩咁大不啊。做運動不知幾好！雖然我唔係住咩新樓洋樓私樓定豪宅，要日日都行好多級樓梯返屋企，但我覺得好開心好滿足，因為我搵到一個肯同我一齊照顧狗狗肯同我一齊行，唔怕辛苦唔怕麻煩，背起責任嘅另一半。因為佢，我嘅生活充滿笑聲，我嘅心靈找到真正嘅快樂，因為你我心中富有。」
網民大讚二人「好恩愛啊，閃爆」、「真正的快樂就是這樣」、「Darren，你幾生修到 」、「好sweet」，祝福他們永遠幸福快樂！
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
