終於都肯講啦咩？！
藝人馮盈盈同鄭衍峰嘅「戀情」疑幻似真，雖然兩個把口成日都唔認，不過成日喺社交網晒「恩愛」！今日鄭衍峰喺社交網上載一張同盈盈嘅合照，見佢兩個含情默默咁望鏡頭，隔籬仲有個心心，唔通真係公布戀情？
原來只係鄭衍峰宣布加盟無綫節目《#後生仔傾吓偈》其中一個叫「乜戀都傾」嘅環節，同成班後生仔傾吓愛情觀：「想當年（～七年前），我在加拿大中文電台開咪嘅時候，構思咗一個深宵愛情節目叫做《戀love廿四》，今時今日，有幸繼續同大家喺 #後生仔傾吓偈，逢星期二晚講愛情，真正亂噏廿四，總之~~《乜戀都傾》!!!!!!」唔少網友笑言唔睇文字，以為佢公布戀情，亦有網友指兩個今次攞正牌，拍住上齊齊開工！
鄭衍峰亦向東網表示同馮盈盈有默契：「大家始終都係Friend，節目內外都有默契，所以構成呢個環節，咁當然我地兩個都玩得，講咩都無所謂嘅。」
來源 source: http://hk.on.cc
|
鍾意就快D Share啦！
|
|
|
