莊思明黑開有條路，繼早前拍劇在外景小巴上被盜偷手袋後，今日她在社交網貼傷手相，留言：「之前俾人偷咗個袋就當破財擋災，今次因為自己遴迍，揸電單車時一時疏忽跌落嚟，搞到擦傷就當應驗咗個血光之災，好彩只係皮外傷，大家放心，我冇事！我相信我好快就行運啦，因為咩衰嘢都過哂，yeah！」
相中的她扁晒嘴，左手臂有條約7吋長血痕，皮都磨損了，黃建東、蔚雨芯、許亦妮、岑潔儀等都留言安慰，吳嘉儀更叮囑她：「早日康復，記得定時洗傷口，戒豉油呀，咁就靚靚埋口。」雖然未知這張相是否男友楊明操刀拍攝，但楊明就暫未有蒲頭留言呵女友，似乎反應慢半拍。
去年8月，莊思明曾在社交網上載電單車相，留言：「一直都好想學電單車，最近終於的起心肝去學，希望可以一take past啦，我要做女版華Dee。」9月又貼學電單車短片，寫道：「明天就要考強制試啦，好緊張呀，希望可以順利pass大家一齊祝我好運小明，加油！ #條片係第一日上堂錄嘅 #當時有d雞手鴨腳 #希望一takepass 」並鳴謝江嘉敏拍攝，原來兩女一齊學做女騎士，江嘉敏都在社交網晒相並留言：「認真明白了甚麼叫做台上1分鐘，台下10年功！考電單車的時間確實是只有一分鐘，不過已經學了兩個月！希望我合格吧！」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
