11歲移民瑞士
7月1日，「港區國安法」正式落實，不少港人因而計劃離開，是繼97年後，香港出現的另一個「移民潮」。
不過，有人要走，也有人決定回流。1993年香港小姐冠軍莫可欣，透露移民瑞士多年的莫媽媽決定回港定居，而她也從沒有想過要移民任何地方，就算是被評為全球最高生活水平及最好福利的瑞士，也不在考慮。
11歲隨父母移民的莫可欣，在瑞士居住了十一年，22歲回港，她說當年愛玩又覺得香港充滿機會，所以在香港工作一年便參加選美。
「我過去瑞士時唔識德文，當地有關部門安排我入讀德文學校，一年之後，就分去local school，所以好快融入嗰度生活，其實入籍瑞士，都好睇重你嘅融入度。」她說。
莫可欣精通德文、法文以及英文，擁有免疫與分子生物學學士，工商管理碩士，但沒有計劃送女兒到瑞士升學：「之前見好多朋友都話送仔女去外國讀書，自己都睇過好多資料，但了解後，我覺得香港讀書環境唔係咁差，最主要係我哋兩個都唔捨得嗰女離開。如果佢要喺瑞士升學，都要識德文或者法文，如果唔係好難喺嗰邊讀書。不過自己心儀英國文化，覺得英國讀書比較正統，如果要去外地讀書，都會揀英國。」
瑞士富有但生活不方便
96年，莫可欣跟方中信開始拍拖。08年結婚，同年誕下女兒符迦晴。婚後全心全意照顧家庭，莫可欣沒想過一家三口會返瑞士生活，她說：「我都喺外國返嚟，我冇諗過移民喎！So far香港都ok，我唔覺得外國嘅月亮特別圓，我自己喺外國住咗咁耐都返嚟。」不過她強調在當地生活開心，更早已融入當地生活：「我喺瑞士過得好開心，所有嘢都好好，瑞士係好有錢國家，但好多嘢都唔方便。」
雖擁瑞士籍，問她在當地生活有否遇過種族歧視，她說：「我啱啱去嘅時候，好多人都以為香港喺日本或者喺泰國，見你係亞洲人，就覺得全部都係一樣，歧視就冇，但就會覺得你唔係自己人囉。」
言下之意，黃皮膚人種被視為二等公民，她直認：「雖然冇正式寫到明，但係唔多唔少都有嘅。你一有比較，就真係爭啲，你冇比較尤自可，如果我喺嗰度出世，冇响香港住過，都會覺得嗰度係我嘅地方，但有比較，就真係有分別喺度，呢個係當事人先會感受到。」
她更有感而發：「身邊好多朋友話而家香港笠笠亂要移民，我成日都同佢哋講，其實香港先係自己地方喎，你去到外國，環境係好，但其實外國都有好多問題。每個地方都有佢嘅問題，所以我覺得香港始終係自己地方，香港是我家。
媽媽回流香港
就如莫媽媽在當地生活數十年，去年回流香港定居。「媽咪所以返嚟，因為佢喺嗰邊睇醫生，好多時醫生咁啱都放假，唔似香港咁方便，周圍都有診所同醫院。仲有落街就可以買到嘢，唔似瑞士，好多商舖到五、六點就閂門。」她說。
一直強調香港生活比外地方便，莫可欣憶述在瑞士生活日子：「瑞士係一個好適合退休嘅地方，好take care人民嘅國家，但講方便，就唔及香港。好似佢哋有個不成文嘅規矩，十點後唔可以沖涼。如果住喺apartment，大家會好自律，禮拜六、日，唔會喺大廈設有嘅公共洗衣房洗衫，要確保環境寧靜，因為洗衣機聲音，佢哋會覺得為噪音，唔守的話會被鄰居投訴。」每個地方的文化及生活差異，都需要尊重，當日融入瑞士生活的她，跟著當地人的生活守則。
方中信自動報告行蹤
老公方中信入行三十多年，大部份時候都在內地拍劇，外表花弗卻幾乎零緋聞，他直言莫可欣是最大支持，因她完全信任從沒問工作行程，反令他自動報告行蹤，更愈來愈懂得欣賞這位身邊人。方中信曾表示：「我有家庭有女兒，入行咁多年，好珍惜而家擁有嘅嘢，所以唔會亂嚟。」事實，方中信言行合一，十分愛錫太太，夫妻倆聯名持有接近7000萬物業，包括04年以680萬購入的西貢匡湖居獨立屋，16年來升了四倍，現在巿值2800萬。另一個貝沙灣南岸單位，近年亦升值至3900萬。
----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
