香港地要結婚除咗土地同財政問題，要過「四大長老」呢關都唔係易事，《蘋果》今次第一身直擊一對新人阿Jan跟Nicole，由兩人策劃婚禮、影pre-wedding、揀選場地到海外婚禮；《結婚真人騷》來到第三集，一對新人終於決定在香港蒲台島影pre-wedding，並選好婚攝團隊。
上回提要：本來Jan選擇在青衣的東海薈筵開20席，盛惠16萬元，不過由於超出預算，佢仍然苦惱如何節省金錢，甚至考慮減少婚宴席數；至於心大心細的Nicole，試了兩次妝後，仍然未決定化妝師人選。
時間來到19年10月，一對準新人Jan同Nicole準備了差不多一年，check list完成的有日本婚禮統籌、香港出門酒店以及婚宴場地；惟最重要的化妝師及婚禮攝影師仍未有定案，幸好今日兩人終於決定去影pre-wedding照片。
Jan自從18年11月求婚後，一直考慮到外國影pre-wedding，曾經諗過新疆、雲南、日本、越南等地，更曾經於去葡萄牙旅行期間，找當地攝影師拍了一輯簡單的便服版pre-wedding，不過女士們始終想影一輯婚紗照，但自從決定要在香港補擺婚宴後，超支問題令到Jan非常頭痕，「本來想過在越南、歐洲、日本拍照，但因為夢想無限，金錢有限，為慳錢，而家決定香港影一輯，到時日本行禮順便再影多輯，兩輯啲相放喺香港婚禮用。」Jan最終選址蒲台島，一輯照片約1.5萬元，較海外攝影連旅費動輒5萬元，今次節省了3.5萬元。Jan興奮地指出：「除咗平啲之外，我哋都鍾意露營同行山，喺蒲台島有晒呢兩個元素。」
為了避開遊客，選了閒日去拍攝，由於閒日船期班次較周末少，早上10時香港仔開船，下午回程3時30分便開出，扣除船程及步行時間，即是兩人實際只得約4小時拍攝，當日天氣炎熱氣溫高達30度，但體感溫度起碼33度！蒲台島山頭一望無際，簡單來說即是無瓦遮頭，Nicole笑指：「而家曬到能量值係負100！」結果禮服婚紗拍咗兩個景點就轉便服拍露營照。滿頭大汗嘅Jan坦言：「其實我冇理到啲相，太太負責睇！」Nicole扮責怪笑指：「你冇睇咩？哼！不過今次都符合個預期，完成到我想要嘅主題。」
事實上，攝影師Robo跟Jan認識多年，即使拍攝時間只得4小時，仍能完成所有拍攝程序，他表示：「我都了解佢哋性格，所以好快就影到心水嘅相。其實呢幾年婚攝行業都變得好快，呢兩年潮流興影花花草草，但可能一兩年後想影室內studio。」Jan坦言，婚禮日子也會選擇Robo作為攝影師，一來兩人滿意其pre-wedding的完成品，二來兩次選擇同一攝影師，有過合作經驗，出意外的機會大大減低，價錢亦較相宜。
完成婚攝一個月後，兩人終於安心飛去日本行禮，地點選址東京近郊的那須高原教堂，攝影、場地、10多名親友的機票酒店費用，盛惠10萬元，假如當初只需要在日本完成婚禮，Jan的荷包就十分輕鬆，但世事通常都不似預期，婚禮超支同香港基建超支一樣，幾乎99%出現，就好像日本行禮，為了效果，Jan特別多花3,000元租用「草泥馬」（羊駝）增添氣氛，其實若要太太開心，丈夫都要捨得使錢。總結目前支出，日本婚禮10萬元、香港婚宴預計支出16萬元，pre-wedding 1.5萬元，連同其他雜費，一對新人的使費已高達27.7萬元，較預算20萬超支7.7萬元。
Jan同Nicole於日本註冊後，基本上已成為合法夫妻，但一日未在香港擺酒，雙方家長都未圓心願。原定今年3月補擺喜宴，結果遇上肺炎疫情影響，需要延期。因為種種原因，令到兩人很多計劃未能完成，記得留意下一集，《結婚真人騷》請來專家，教大家如何解決問題！
重溫：
【結婚真人騷EP1】直擊20萬婚禮狂超支 新郎哥自白：婚禮最大難關……係冇錢！
【結婚真人騷EP2】旅行結婚變香港擺酒 新郎面對現實：30萬走唔甩
專家提示
婚禮及商業攝影師Robo
一對新人要揀選pre-wedding時，可以從對兩人有意思及回憶的因素，例如首次認識的地方，首次旅行的地點等等，應避免在假日在著名景名拍照，盡量選擇在閒的上班時間，同時建議只影一至兩輯照片即可。
同時，新人聘攝影師時要注意服務條款：「揀攝影公司時，睇啲參考相可能係另一位攝影師影嘅，到婚禮當日可能係另一位攝影師到場影你，同埋畀錢時最好寫明係邊位攝影師負責。同埋要留意附加費，例如包幾多張相，另外執相係咪要加錢；同埋畀錢前，最好同攝影師溝通好，睇吓啱唔啱傾。」
事實上，於蒲台島拍攝完成後數月，Jan及Nicole亦坦言有點後悔：「其實喺葡萄牙同日本影完，覺得可以唔使蒲台島影，咁又可以慳返一筆錢！不過影完當開心過。」
製作：《蘋果》財經組
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
-----------------------------
屬於香港人的移民攻略
立即登入【全球樓行】
Dream House零距離
來源 source: http://hk.entertainment.appledaily.com
|
鍾意就快D Share啦！
|
|
|
