【好堅】操到六嚿腹肌 梁漢文為十月演唱會做好準備
梁漢文（Edmond）於個半月前宣布今年10月喺紅館開show，有可能係疫情後第一個紅館開騷嘅歌手。由於籌備時間唔多，連月來Edmond忙於秘密練兵，盡快keep好一副好body，到時有6塊腹肌嚟見人。
Edmond連續7天食鄭秀文(Sammi)推介嘅「縮水減肥雜菜湯」，嚟減去身體多餘的水份，Edmond成功喺一周內由155磅減至149.4磅。之後他再用「食肉減肥法」，10日內只能食肉，連蔬菜同生果都唔可以掂，盡量吸取蛋白質，經過10日療程結果，他有140.2磅，再按教練指示下操肌，最終好快見到成效，昨晚他喺社交網站發相分享成果，相中未見容貎，僅展示一排濕身「朱古力」，有6塊腹肌嘅結實靚body，連他都留言說：「經過呢2個月嘅付出，開始見到啲成績，雖然未確定一定開得成，但都會繼續保持樂觀、積極嘅態度去做足準備，迎接不同挑戰...」唔少網民大讚他厲害、好勁、不得了、引死人、不過都有網民要求見樣：「點解唔見樣？」有人又好奇追問：「嗰日至睇片見你食鄭秀文介紹既瘦身湯，咁快就練出成績來，確係勁。」亦網民質疑相中人係咪佢？有fans溫馨提示要適可而止，唔好好似上次個唱咁體型過瘦。
來源 source: http://hd.stheadline.com
|
鍾意就快D Share啦！
|
|
|