慘！
靚女港姐唔使畀人鬧？冇呢樣嘢呀！喺最新一集《#後生仔傾吓偈》中，馮盈盈就大爆自己被導演鬧到差啲喊嘅一次。盈盈憶述：「有次拍劇開廠，講我認番一個好耐冇見嘅哥哥，可能自己嘅諗法同導演有出入，跟住導演就『開咪』話：『盈盈呀！唔啱呀！再做過！』咁我當時開始緊張，之後我NG又要嚟多個TAKE，導演有啲情緒咁話『馮盈盈你識唔識呀！唔係咁做呀！你到底知唔知做緊啲乜呀！』」
盈盈嗌破喉嚨，佢話當時對手在場，都拍拍佢膊頭，叫佢唔好慌，不過當時已經谷晒眼淚，但就忍得冇喊到，驚影響到拍攝情緒！佢話：「拍完呢場好辛苦，之後導演單獨搵我傾，自己多咗一個經驗。」而林穎彤就醒目啲，佢話每次知道自己做錯，將要畀人鬧時，都會自己衝出嚟先話：「我知！我知點做！」截住對方。
來源 source: http://hk.on.cc
|
鍾意就快D Share啦！
|
|
|
