2020年7月23日星期四

【頭條獨家】銀行拎表格申請政府派錢羅霖慳住使買M記返歸 #羅霖

【頭條獨家】銀行拎表格申請政府派錢羅霖慳住使買M記返歸

自言有人追嘅羅霖當日單拖去買包，仲買咗一大袋，食兩日應該無問題。之後再去幫囝囝買M記做外賣。

因為香港疫情爆發第三波，雖然食肆仍然有早午餐堂食提供，但專家一早講咗，可以嘅話就盡量買外賣，喺公眾地方除口罩食嘢風險太大。回春靚媽54歲的羅霖就好聽話，日前見佢喺屋企附近嘅又一城行街，去銀行拎完政府派錢表格就去買M記返屋企慢慢歎。採訪:譚壹致

羅霖月初接受訪問，提到當年離婚喊足半年更曾經想自殺，後尾諗到三個仔同父母就打消念頭更重新振作，拍寫真開美容院靠自己養家。不過因為疫情影響，佢話已經六個月冇返內地工作，每月損失6位數，靚媽大呻，「要用積蓄過活，希望盡快開關，雖然朋友話就算開關都唔好咁快去，但我唔理嘞，好過餓死。」

高貴外賣仔

因為要慳住使，羅霖消磨時間都只係去屋企附近嘅又一城行街，日前下晝就見到佢喺地下嘅Salon整完頭然後向上層進發，先去i.t.，用咗十分鐘就買咗件特價衫，然後再路過匯豐銀行，因為有職員喺門口派緊「回水」表格，佢又過去拎咗份，之後再去萬寧買成藥再去買咗成打麵包，最後行到最上層幫襯M記，見佢講完電話再去落Order，應該係買外賣畀囝囝食，買到成手嘢嘅羅霖再慢慢行返屋企。