自去年抗爭運動以來，現年57歲的歌手鄭敬基是少數敢言的黃色藝人，他明撐黃店，亦多次在社交平台發表支持抗爭者的言論，甚至在昨晚7.21一周年，他更舉行直播音樂會，一直獲不少網民支持。今日他突然宣佈與太太幾經掙扎後，決定帶着媽媽及愛犬返加拿大，但他仍放不下港人，臨別更在社交平台上寫「See you all very soon. 香港人，多謝你們這段艱難時間給我的一切。良知。」
《蘋果》聯絡到鄭敬基，問他是否因為通過了「港版國安法」，所以才決定返加拿大？他回覆表示：「想同一啲加拿大嘅國際組織為香港爭取多啲嘢先，亦都會睇住《國安法》嘅發展，睇吓會唔會郁手去做啲乜，相信佢哋亦都唔夠膽對一啲太公眾嘅人物，例如黃之鋒、黎老闆（壹傳媒集團創辦人黎智英）呀呢啲人（出手），因為其實全世界都睇住，你咁樣搞法，肯定全世界就會更加制裁中國，我覺得佢哋都驚嘅。」
鄭敬基表示自己會轉打國際線，並已與相關組織取得聯絡：「啱啱開始聯絡到一啲加拿大嘅組織，見到佢哋都好做到嘢，所以我就好希望能夠參與其中，咁都要啲時間，慢慢每一日去做多啲，自己就會默默咁做。」他更指自己離港前，已經與組織有聯絡，他覺得也許可以用另一個方法去幫到香港。鄭敬基自稱是個「自我流亡歌手」，也是其中一個在香港但持有加拿大護照的人，他指：「香港有35萬人喺度做緊嘢，其實佢哋都危險，希望國際制裁到中共之後，啲人唔使再流亡吖嘛。」鄭敬基又引用早前美國非裔民眾抗議警察暴力用的口號「#Blacklivesmatter」，改成「#Hongkongerslivesmatter」，用作開始他的新「旅程」的口號。鄭敬基又表示，將會以「Exile HongKong artist/ returning Canadian」新身份去抗爭。
鄭敬基透露自己暫時不會返香港，會用時間照顧媽咪，以及與前妻所生的一對子女，好好團聚；他又提到港加兩地的武漢肺炎疫情嚴峻，所以暫時都會把握時間與家人共處，2020年內都未必會返香港。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
