苗僑偉孖米雪客串《愛．回家》
藝人苗僑偉（三哥）與米雪在將軍澳電視城客串演出處境劇《愛．回家之開心速遞》，兩人拍攝到為代言品牌在劇中新舖剪綵。因疫情嚴峻，探班實施人流控制，只限攝影記者進入錄影廠拍攝，三哥與米雪防問時更要隔着膠板，保持社交距離。三哥與米雪被問到客串演出好玩嗎？米雪說：「好玩，成班人好似一家人咁。」
三哥則說：「雖然只係客串一日，但係都非常開心，睇到《愛》一班演員好似屋企人咁，大家日日拍到混熟晒，演技爐火純清，劇情又開心。」
兩人被問到可有興趣多拍幾集？三哥說：「《愛》不嬲都多人睇，好似歐陽震華拍完之後好多觀眾好鍾意，仲破晒記錄，依家我嚟叨光，未拍過《愛》點紅呀。」兩人又指都未埋位前會戴口罩，拍完之後都會立即洗手及消毒，大家也很小心。
三哥被問到近期拍攝的《飛虎之壯志英雄》可有因疫情停工？他說：「一直都有開工，直到之前確診個案140幾宗就停咗幾日，今日又開始拍番。」三哥表示疫情間劇組也加強防疫措施，工作人員好似導演、攝影師已經做了檢測，大家開工會安心點。
來源 source: http://hk.on.cc
|
鍾意就快D Share啦！
|
|
|
