- 【愛國日常工作】戴耀廷被港大校委會解僱 鄺美雲李力持微博發文叫好
- 2小時前
56歲的鄺美雲，賺得中國錢、擔任得江西省政協、做得港區人大代表，就梗係要做吓嘢，適時「上綱上線」啦。
日前，曾是佔中發起人之一、港大法律系副教授戴耀廷，被港大校委會表決即時解僱。對此，鄺美雲隨即在微博上「邀功」，表示自己早已撰文譴責戴耀廷破壞社會安定、危害國家安全，昨日亦終於解決了問題：「2018年4月，我在《文匯報》撰文譴責戴耀廷，指他破壞社會安定、危害國家安全的企圖昭然若揭，『敗壞師德，毀壞校譽，罔顧學生的福祉，如此惡行是否還可以留在學校教書？相信社會自有公論。』並促請港大校方必須正視事件，嚴肅處理，給予公眾和社會明確交代。昨日，香港大學校委會以18:2大比數通過撤銷其教席，終於解決早應解決的問題。」
鄺美雲在微博出Post，用的竟是大部分大陸人都唔識睇嘅繁體字。喺大陸打滾多年竟會忽略呢點，太唔似樣喇。
李力持就唔同喇，日日喺微博洗版式發表政治、愛國、外國相關帖文，成功得到好多大陸網民支持。戴耀廷被解僱，佢當然唔會錯過啦，發文話：「太好了，港大『毒瘤』戴耀廷被革職。」並以千字文力陳戴耀廷2013年「佔中」至今嘅行為，全部都係使用簡體字，真係不遺餘力。李力持咁努力表態，假如日後都博唔到足夠嘅機會北上發展，就真係可憐喇。
戴耀廷被解僱
戴耀廷因佔中案，去年被判囚16個月，現正等候明年3月上訴。早前，港大教務委員會表示他被定罪，屬於行為不當，但不構成充分解僱理由，唯校委會不接納。校委會於是在昨晚發起暗票形式的即時表決，並以18：2通過解僱戴耀廷。港大校委會有23名成員，當中不少被視為親政府、建制，如校監即行政長官可委任主席兼6名成員。主席是李國章，還有經民聯石禮謙、信和集團副主席黃永光、前政協黃景強等。
----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
