掃呢頁CODE去手機

2020年8月13日 星期四

【率先爆】44歲小肥淚崩認出櫃 親揭不再恐懼:係時候行呢步 #小肥

44歲歌手小肥(徐智勇)宣佈出櫃!入行13年的小肥絕少緋聞,早年因在微博關注多位大隻男,被網民質疑是基民身份,當時小肥激動否認:「我唔係基,但唔歧視同 ...






44歲歌手小肥(徐智勇)宣佈出櫃!入行13年的小肥絕少緋聞,早年因在微博關注多位大隻男,被網民質疑是基民身份,當時小肥激動否認:「我唔係基,但唔歧視同性戀。」今年5月,小肥更自爆到外地拍戲時,接到女演員電話表示想到其房間過夜,小肥笑指當時一口拒絕。惟近日小肥接受陳志雲YouTube頻道《Stephen.傾》訪問,終於承認同志身份。

訪問將於今晚(13日)播出,《蘋果》率先披露部份內容,志雲直問小肥:「有件事你跟我好似,記者成日問我係咪鍾意男人?有好多人咁問過你,你通常點樣耍開佢哋?」小肥支吾:「未準備好,其實一路都驚,心裏面有啲負擔...…我其實到28歲先確定某啲嘢,28年,我都一直否定緊自己某啲嘢,習慣咗,同埋一個恐懼,自己都驚咗,如果承認咗某啲嘢會點呢?」

小肥指直至2017年製作專輯《睡前服》,監製康家俊指專輯主題講坦白,令小肥一言驚醒:「我都好似頓悟到一啲嘢,你既然唱得呢啲歌,帶出一啲意思,你就要實行,佢哋都有問我,如果他朝一日,記者再問你會點呢?」小肥靜了幾秒,深思後說:「我想坦白,但係好難衝破,唔知點解。」

志雲問是否承認自己的性取向?小肥自然反應地點頭:「係呀!」食了誠實豆沙包的他,被自己嚇了一跳,嘩了一聲,手足無措:「我未...…點講呀,我未準備好去面對,未行第一步,第一步畀咗你。」小肥失笑:「你真係大師,回想起2017年,如果真係有人問到我,我點呢?我其他都耍走佢,唔知點解你一問我,我覺得好似係時候要行呢一步。」

片段中志雲還問小肥:「幾多歲開始有第一個男朋友」、「你覺唔覺得好困難可以認識一個伴侶,尤其你喺娛樂圈?」、「有冇拍拖?」只見小肥淚流滿面,而詳情就要睇節目播出。

小肥坦言以前因恐懼,直至現在才敢認性取向。(短片截圖)


小肥自嘲對住志雲食了誠實豆沙包。(短片截圖)


小肥在節目中爆喊。(短片截圖)


小肥曾在微博關注赤裸男,引爆基的疑惑。(微博圖片)


-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新

iOS/Android


鍾意就快D Share啦!