歐倩怡修讀營養學高級文憑，對平日的飲食相當有要求。
受新冠肺炎影響，加上政府連串防疫措施下，留家抗疫已經成為香港人日常。然而，每日早午晚三餐令到不少「無飯家庭」大感頭痛。娛樂圈臥虎藏龍，歐倩怡、張嘉兒同樣修讀營養學，疫情下分享貼士，透過飲食增強抵抗力，好讓大家進化成為「有營家庭」。
歐倩怡自2006年參演無線劇集《女人唔易做》後開始淡出幕前，同年7月與郭晉安結為夫婦，並誕下兒子郭令山及女兒郭以雅。歐倩怡非常好學，懷孕前修讀營養學高級文憑，大仔出世後完成4年行銷管理學位課程，因想更加了解小朋友，以一年時間進修心理學，她笑說：「家族有很多醫護人員，自己係有醫護情意結，想讀關於呢一方面嘅嘢。若計劃不太受疫情影響，即將完成營養學學士學位課程，明年初修碩士。」
歐倩怡認為早餐最重要，因此為大家推薦一個健康有營養、又容易製作的早餐。材料是即食燕麥片1/2杯、熱水1/4杯、乳酪一杯（100-130克）及藍莓、士多啤梨、香蕉各適量，做法則是將燕麥片放在碗裏，加熱水，然後攪拌至質感黏稠，待涼；洗淨水果，士多啤梨切片、香蕉切片，最後將乳酪混合在燕麥片裏，再加上水果即可享用。歐倩怡坦言這是自己跟囡囡最愛的早餐，她提到生果有豐富維他命C及抗氧化物，燕麥片高纖維，對心臟及腸道健康外，內含beta glucan（β-葡聚醣）亦有效增強免疫力。此外，她重點提到乳酪益處，乳酪含有豐富益生菌，很多研究指出益生菌有增強免疫力及上呼吸系統。她又提到中文大學本年6月發表研究報告，以疫情第一、二波患者作為研究對象，發現痊瘉者腸道益生菌數量偏低，因此腸道有足夠益生菌是助抵抗新冠肺炎病毒。
至於挑選乳酪亦有小貼士，她提醒生果味乳酪糖份會偏高，低脂或零脂乳酪往往會因味道關係反而比普通乳酪糖份偏高，因此大家挑選時按需要多加注意，而她建議希臘乳酪。
至於張嘉兒就提供一個較簡單的方法，她說：「我建議唔好偏食，要揀唔同嘅嘢食。點樣揀呢？就係搵唔到顏色嘅食物，只要你食齊唔同顏色嘅食物，就代表你吸引晒唔同嘅維他命、礦物質，咁你嘅免疫系統就會相對地健康。」
另外，馮盈盈得知兩位師姐提供食材貼士，亦細心地提供合適的烹調方法，她笑說：「我提供點樣煮係最有效例如蕃茄，熟食生食係有唔同分別，如果要吸收茄紅素，就需要煮熟仲要有油，因為茄紅素係脂溶性，要有油先吸收到；大蒜都有效增加抵抗力，但需要切碎接觸到空氣，先會有蒜素；至於蔬菜就要快炒，就保留到最多營養。」
|
鍾意就快D Share啦！
|
|
|
