正所謂「一命二運三風水」，尤其係娛樂圈都算係撈偏門，有啲嘢就好難解釋，譬如燈力，有「樂壇比利」之稱嘅譚詠麟，根據過往歷史有幸獲譚校長送上祝福嘅人，星途比較「與別不同」。
譚詠麟近年榮升藍校長，多次出席撐警活動，令唔少歌迷與佢割席，早前譚詠麟拉梁漢文跟葵青警區指揮官謝振中合照，引起軒然大波，梁漢文其後更宣佈演唱會延期。之不過譚詠麟一向熱心提攜後輩，被他出口「加持」過藝人，嗰排都係星途平平，如梁漢文、李蕙敏、李克勤、閻奕格、關楚耀、GinLee、林欣彤及樂隊Mr.等，好在早年一眾網民幫GinLee集氣，總算頂得住。
今日「燈神倫」又發功，被點燈的對象，就是「Signal Wong」王浩信！由於疫情全球肆虐，娛圈受重創，譚詠麟的生活亦變得好休閒，多數約埋好友做運動，留在香港悶悶哋，佢更開始煲大台劇，話晒譚詠麟因環球與TVB就版稅問題鬧僵，已絕迹TVB，前日竟然一連兩日狂煲大台新劇，他覺得呢套劇不錯，用咗漫畫拍攝手法，角色性格鮮明，更加持主角王浩信的角色「有黃子華及周星馳的混合體」，唔知佢係講Signal Wong演得似佢哋，定係覺得齋係個角色有呢種feel。
王浩信雖然係大台力捧當家小生，不過點計演一個角色都未可能同黃子華及周星馳睇齊呱，如果係講個「角色」，獲校長的祝福下，今次Signal Wong爭視帝有機會凍過水喎！話王浩信以為都係歌手出身，未知可唔可以對抗「燈力出眾」的譚詠麟呢！？但係譚詠麟開口讚後輩嘅方式確係一向有啲誇張，講人哋係子華星爺混合體，真係一啲都唔出奇。大家可以睇吓！
李克勤
1989年被欽點做「校長接班人」（2003年才正式上位首奪男歌星獎）
梁漢文
2004年被校長賜封為「新四大天王」之一（受校長祝福後，事業浮沉多年）
關楚耀
2006年以契仔身份入行，繼克勤後被欽點做其接班人（近乎淡出樂壇）
林欣彤
2010年參加《超級巨聲》被校長大讚「樂壇大姐大勁敵」（直今仍未算大紅大紫）
閻奕格
2017年被校長讚係「萬能型歌手」咩年代嘅歌都難唔到佢（目前星途平平）
樂隊Mr.
2010年獲校長送上祝福「看到他們就看到當年的溫拿」（MR.已五子拆夥解散）
李蕙敏
當年被校長睇好攞女歌手獎（歌唱事業下滑）
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|
