- 【《殺手》佛爺】用積蓄供女兒英國讀書心願 62歲李成昌：我唔想有遺憾
- 1小時前
由視后李佳芯、視帝陳豪和黎耀祥主演的電視劇《殺手》，主角有吸引力外，配角亦十分矚目！樊奕敏演的「紅姐」勁揪得，令人眼前一亮，他身邊另一半，現年62歲的江湖大佬「佛爺」李成昌也相當搶眼。入行40年的李成昌演，在劇中恃勢凌人兼心狠手辣。現實生活中，李成昌重視家庭，是個順得人意的好老公和暖爸。
圓女兒「哈利波特之夢」
1993年，李成昌跟太太結婚，43歲時，太太為他誕下女兒Meganie。女兒14歲時，他決定用積蓄供女兒到英國升學，為的是要圓女兒夢想。原來，女兒哈利波特迷，自從看過一系列電影後，對當地的學校生活十分響往，很希望在那兒書。他說香港的填鴨式教育並不適合女兒：「我哋兩夫婦已經計好條數，唔可以借、唔可以欠，計過數可以應付到，至多慳少少。都係嗰一句，回想番如果當初唔畀佢去，將來留低啲錢都係畀佢，我擔心到時會變成一個遺憾，如果有能力嘅咪畀佢去囉。」- 李成昌的女兒，小時候是個哈利波特迷。
- 女兒14歲時，李成昌決定用積蓄供女兒到英國升學，為的是要圓女兒夢想。
- 女兒是個哈利波特迷，自從看過一系列電影後，對當地的學校生活十分響往，很希望在那兒書。
英國讀書成績突飛猛進
Meganie今年19歲，在英國讀十三班，因為疫情影響，較早前返香港，說到底，女兒在自己身邊比較安心，他說：「一定要返嚟，再睇吓當地情況發展，應該英國暫時問題不大，九月可以返去。」只要提起Meganie，李成昌也會打從心裡笑出來，尤其女兒到英國讀書後，成績愈來愈好：「佢去到英國讀書後，好有趣，喺香港數學科只係僅僅及格，但喺當地係全班最高分。喺香港英文科成績都唔錯，但當地有外國人，佢都可以攞到最高分，即係仲叻過啲外國人。」李成昌自言不是一個專制的父親，最重要是女兒開心，他說：「唔一定要讀書成績好好，但一定要做個好人，唔好害人。」
愛情變感情
「零緋聞」的李成昌表示跟太太拍拖到結婚一直恩愛，另一半給與的無限支持及體諒，他心存感激，兩人更從來沒有爭抝，他認為是互相體諒：「有咩嘢都要講出口，唔好放喺心裡面，千祈唔好留隔夜，慢慢積聚嘅話就好麻煩，有咩嘢唔啱都要當晚傾好。」李成昌表示與太太是一凹一凸的配搭，他認為婚前的是愛情，婚後的是感情，他實話實說：「一定要明白拍拖時愛情比較多，會送花、製造驚喜；但結婚後，一定要接受呢個事情，我覺得感情係多過愛情，唔好再搞咩嘢新花款，唔通仲問『你愛唔愛我？』嗰啲核突說話。」
對媽媽有遺憾
李成昌對家人有承擔，不過，對已離世的李媽媽自責未能做到最好，他說：「其實已經二十幾年前嘅事，當時係叫做「老人痴呆症」，而家叫「認知障礙」，當年我哋唔識得有個咁嘅病。媽媽有時候一個人出街，跟住會唔識返屋企，我喺工作中途要去搵佢，嗰段時間比較擔心。到後來實在無辦法，我哋無能力照顧佢，於是送咗佢去老人院，雖然好唔捨得，去到老人院，院方話媽媽係患咗老人痴呆，我哋先去排期睇醫生，嗰段時間好唔開心。」李成昌表示當時每個周日都會去探媽媽，雖然每次都不知道他是誰，但李成昌沒有放棄，想盡方法與媽媽溝通。「我每次見面都會畀隻手佢打，當係大家重新認識，之後佢每次都會拍我隻手，即見到我，就會識得拍手，雖然佢已經唔記得我係佢個仔，但一定會記得拍我隻手，所以我都係開心嘅。」他說。- 《香港八一》至《香港八六》系列播映時間有五年，令觀眾對李成昌有所認識。
- 李成昌出道不久就加入長壽處境喜劇《香港八一》至《香港八六》系列，飾演性格樸實的內地新移民青年任百康。
- 在《溏心風暴》一劇中，李成昌與關菊英演得夠討厭，成功令觀眾憎惡他們。
ChannelNEXT人民學堂：識法大講堂
曾志豪X劉偉聰 同你拆解「港版国安法」
立即收看
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
