- 【裕美創業男友出盡力】林作拍片反擊「翻版周秀娜」 硬銷女友鑽戒生意
- 4小時前
自從林作與裕美公開戀情後，雖然女的被林母落閘，唔畀裕美「入門」，不過二人一於懶理，愛「美」心切的林作，不但親撰千字文護花，更與裕美於半山林母名下價值4,000萬的豪宅同居，且不時高調孖住放閃，相當冤氣。
為證對裕美一條心，就連過往花邊新聞，都不能再出現半點差池的林作，就對早前《壹》仔報導他曾追求「翻版周秀娜」關嘉敏一事，觸動神經，尤其女方承認當時獲他「欣賞」兼送手鏈，林作要拍片澄清:「首先我從來無單獨約過佢，只係一大班人入面見過;第二，我從來無話欣賞佢，甚至要一定追求佢;第三，我無送過禮物畀佢，同佢無太多私底下嘅交流。」
林作講到咬牙切齒，大叫無辜外，還指為了向女友道歉，送上「摯愛」造的戒指。啊！講咁多，終於真相大白，原來澄清事小，為「摯愛」賣廣告事大。
其實，早前林作已經預告，裕美正進行「大project」，而要裕美事先「交數」，豪言到今年底會賺200萬，林作又拍心口保證:「十二月三十一日裕美就攞本銀行存摺出嚟，打簿畀你哋睇，如果無二百萬，我代裕美宣佈，從此喺香港消失。」玩到咁大，當然要出盡力幫女友宣傳更何況200萬對林作來講，濕濕碎喇。
----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
