謝東閔真係好好呀～對朱智賢不離不棄。
喺劇集《殺手》奸到出汁，演技備受網友讚賞嘅藝人謝東閔，早前其女友朱智賢背住佢搭上人夫黎振燁，事後朱智賢同謝東閔齊齊開記招，力撐女友，雖然近日有傳二人情變，不過今日謝東閔喺社交網上載同朱智賢以及愛犬一家五口嘅家庭照，力證情未變，事隔接近四個月首度喺社交網同框，不過原來呢張相係之前影落。
而謝東閔將呢張家庭照放喺窗邊，有唔少網友猜測擺放喺屋企內欣賞。有傳即將復工嘅朱智賢，見佢狀態不俗，展露燦爛笑容，似乎已經準備好，再度出發！
謝東閔接受東網訪問時坦言「全家福」係年多前出席狗展後拍攝，因為拍攝公司尋日先畀番相片佢，所以藉此於社交網感謝對方。問到佢哋啲「仔女」分配時，謝東閔話：「全部都喺我度！我有四隻狗，仲有一隻史納莎，因為隻史納莎年紀都好大，所以佢冇去影，（會否再養？）唔會照顧佢哋四隻已經頭都痛，（幾時再影？）如果遲啲佢哋再叫我影咪再影囉！同啲狗仔留吓念嘛！」
來源 source: http://hk.on.cc
|
鍾意就快D Share啦！
|
|
|
