豪到爆！
已故賭王何鴻燊與四房梁安琪嘅孻女何超欣，又靚女又係學霸，今年21歲嘅佢就讀美國麻省理工學院（MIT），認真犀利！
平時出入多數同家人一齊嘅超欣，身旁朋友原來都分量十足。特別係兩位閨蜜，分別係內地富商袁亞非千金袁九兒同埋任正非二千金姚安娜，兩位來頭都唔少！日前袁九兒同姚安娜分別喺社交網晒出同超欣嘅合照，三人扮起女團，着上大陸綜藝節目《創造營2020》參選者嘅服飾，藍白色短上衣配超短裙，晒小蠻腰又露美腿，佢哋喺生日會上又唱又跳，真係似足女團，更自稱係「創造營103」。相片一出，即時引起網民熱話，紛紛留言大讚佢哋有樣貌又身材，仲笑言佢哋係最富貴女團，皆因佢哋三位家族資產加埋保守估計過千億！
另外，袁九兒喺社交網晒出一張大合照，三個美少女坐前排，超欣着上低胸裙配黑色西裝，十分吸睛，而後面四個男仔排排企，其中一個係大陸導演陳凱歌兒子陳雨昂！
來源 source: http://hk.on.cc
|
鍾意就快D Share啦！
|
|
|