朱敏瀚與余思霆拍拖一年多，兩人被拍到手拖手行家品店布置愛巢，準備同居試婚ｚｘａｄ
現年28歲的朱敏瀚近期事業、愛情兩得意，憑新劇中一身爆肌演活Cool爆社團「打手」而成功出位，終擺脫多年來「萬年細佬」的稱號！與「旺夫」女友余思霆拍拖一年多，兩人日前被拍得手拖手行家品店布置愛巢，準備同居試婚！
近期改行爆肌、酷爆形象的朱敏瀚（Brian），成功於無綫劇《反黑路人甲》彈起。入行接近11年的他，早年經常接演「弟弟」角色，除了一直被定型外，還曾經歷過兩年「灰爆」日子，他說：「我好喜歡做演員，但公司因為想《都市閒情》年輕化，調咗我入去做主持，當時知道嗰下都幾唔開心！不過好感恩有嗰兩年嘅時間，令我學到好多嘢，包括鏡頭嘅運用同埋有關人際關係嘅嘢。」
勁「旺夫」劇接劇
不少藝人曾經歷「捱世界」的日子，而Brian亦一樣，自爆試過戶口太少錢而「撳唔到錢」，還令媽媽擔心得要硬塞八達通給他，但他仍堅持靠自己，有感多年來只獲派「細佬」角色，故決心由外形入手，狂做健身運動，由「書生型」變身「爆肌男」，亦因此改變星途，由《機場特警》開始令觀眾 留下印象！不過，他的事業起飛還有另一原因，有賴華姐冠 軍女友余思霆的「旺夫」特質，兩人認愛約1年半，Brian的事業運愈來愈順，兩人感情亦愈來愈好，沒有因Brian劇接劇、 日日開工而變淡。
日前，正拍攝無綫新劇的Brian，被發現趁着中間有空檔 時間，約女友余思霆食飯。兩人邊食邊傾雞啄唔斷，醫肚後便到附近商店閒逛，先到時裝店睇衫。余思霆細心地為男友揀衫，揀完衫後轉戰家品店揀屋企日用品，莫非兩人感情已昇華到「同居試婚」階段？ Shopping期間，Brian搭着女友膊 頭，當上扶手電梯時更輕扶女友纖腰。行勻整個家品店，兩人最終買了兩盒龍蝦仔及一束裝飾用的葉子，為環保更棄用膠袋，由Brian捧着「戰利品」離開，但期間不忘拖實女友余思霆的手，相當煙韌。
忙搵銀冇詐型
對於「蜜遊」被撞破，Brian接受記者訪問時承認近期少了時間陪女友：「因為呢排成日開工，所以趁拍攝空檔陪佢行街。（女友有冇詐型？）佢好開心！我開工，佢就唔使開。（最近《反黑路人甲》好多人鍾意你『金牌打手』呢個角色喎！）我都好開心，因為為咗呢個角色我都好努力，畀人睇到我嘅努力係一件開心嘅事。（同女友睇家品嘢，係咪想同居方便見面？）唔係！只係女友有間Studio，陪佢睇吓嘢啫！」
更多新聞，請瀏覽東方日報網頁：
來源 source: http://hk.on.cc
|
鍾意就快D Share啦！
|
|
|
