才女梁芷珊與商人前夫羅傑承的女兒Eily，乖巧又聰明，前年於英國IGCSE放榜喜獲11A佳績，不經不覺已經18歲喇！昨日是Eily的生日，疫情下，身為廿四孝媽咪的芷珊特意帶囡囡外出，吃一頓豐富晚餐，兼嘆杯紅酒慶祝一番。梁芷珊在IG上載母女合照，長長秀髮，望落十足兩姊妹，芷珊留言：「Happy 18th birthday,my love」。
梁芷珊今日回覆《蘋果》表示囡囡剛滿18歲，由小朋友變成大人，意義重大。她說：「我自己18歲時都好開心，其實有好多嘢要搞，要幫佢開個人銀行戶口，離岸戶口，申請Credit卡，同埋登記做選民，我好樂意陪佢一齊做，紀念一下，話晒脫離17年幾嘅小朋友生活，要做大人喇！」
不過，疫情關係暫時未能預約換領成人身份證，而她們下周將一齊返英國，芷珊續說：「過去靜靜地諗吓嘢，可能幾個月後先返。而阿女剛收到大學一個number，可以去申請學生Visa，我諗呢樣係佢好開心嘅。佢喺嗰邊用電話，都要同我同一個戶口，現在可以自己搞掂。」可擔心囡囡會亂花錢？她說：「我有幫佢儲起啲零用錢同利是錢，但佢唔大使，佢比媽咪知慳識儉好多，將來佢有自己信用卡，我會提佢自己負責，責任感大啲。」
另外，周勵淇（Niki）前年與大陸演員傅浤鳴結婚，今年5月誕下兒子Morris，但樣貌從未曝光。Niki日前為囝囝慶祝100日大，疫情下只選擇留在家中舉行以海豚為主題的小型百日宴，並預祝自己昨日41歲生日。Niki昨日在IG上載抱住囝囝錫錫相，但未見老公現身，留言：「從來未收過一模一樣的蛋糕，今年對我來說非常之特別和難忘的一年。好事成雙，好耐冇食蛋糕，食完先再減，謝謝。」她並感激大家的的祝福和厚愛：「今年第一年和Morris一起慶祝，我已經收到最好的生日禮物了，非常感恩。 #morris say hi with u all」。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|