- 【流行經典50年】傅嘉莉 蔣家旻合唱Twins《戀愛大過天》 網民：難聽過原唱唔易
- 4小時前
星期日晚9:30至10:30打開電視，斷估大部分觀眾都會優先選擇ViuTV嘅《Chill Club》，理由唔使多講，真歌手雲集唱首本名曲，短短一個鐘真係唔夠喉。何況，隔離大台《流行經典50年》每況愈下，嚟嚟去去都係星夢自己友唱劇集主題曲，點夠fight。
不過日前(6日)，《流行經典50年》有機會見到《Chill Club》車尾燈都唔定，而最大功勞一定係傅嘉莉夥拍蔣家旻合唱Twins嘅《戀愛大過天》，事後一度成為網民茶餘飯後討論熱話。
如果單純因為佢哋唱得好聽，外界反應應該無咁大。相反，就係因為佢哋唱得差，足以成為一時笑話，娛樂大家。好奇一問，佢兩個唱到走音兼無氣，都照樣安排上台，係咪得罪方丈，有心整鬼佢哋㗎？
「傅嘉莉一開口我覺得麻麻，聽埋蔣家旻，原來傅嘉莉唱得好好了。」
「同屋企人睇佢哋唱歌，我哋笑到標眼水。」
「真係Neway執兩件都唱得好過佢哋。」
「能夠難聽過原唱實在唔易。」 蔣家旻都自知唱歌實在不敢恭維，故佢事後都好認真咁喺IG分享心路歷程，仲提到自己原來已經搵埋老師教：
「我不討厭唱歌，但就是有恐懼。三番四次地逃避，總是想：『拜托！不如叫我熬夜拍劇或跳舞跳得筋疲力盡吧。』幾個月前突然醒覺，很想勇敢面對及克服這個弱項，透過家傑的介紹，遇到一位很適合我的老師。這次為了劇集宣傳而上節目唱歌，本來猶豫應不應該拒絕，避免獻醜，但告訴自己遲早需要接觸，於是便鼓出勇氣接受挑戰，連我的經理人也為我擔心。謝謝Brian老師，在有限時間內悉心教導，他懂我的心理障礙，再三提醒我要有信心。錄影前的兩三天，每天熬夜，無形間再加重自己的心理負擔。從前在台上戰戰兢兢，到現在能夠鎮定地演唱，雖然並不悅耳動聽、狀態不算穩定，但至少盡了最大努力，值得為自己的勇氣鼓掌。經過這次，我的恐懼感相對地減少。」
----------------------------
守住新聞自由和你撐計劃每月$300起撐《壹》仔
按此了解更多
壹呼百應號召有心人請香港人睇壹週刊
按此了解更多
-----------------------------
【昔日紙本檔案庫】
30年壹仔經典壹壹重現！
來源 source: http://nextplus.nextmedia.com
|
鍾意就快D Share啦！
|
|
|