吳卓羲笑老友：冧女至叻！
林峯與張馨月雖然一直傳已誕女，不過兩人一直沒有回應，直至昨日公布好消息，不少圈中好友都衷心恭喜他們，更着兩人快快追多個仔，湊夠「好」字。佘詩曼笑說：「又一個大細路做咗爸爸！希望佢哋享受三人世界先，之後再生多個仔，湊夠個『好』字！」吳卓羲表示早已見過B女相片，問到似林峯還是馨月時，他說：「兩個都似，希望快啲生多幾個，湊成個『好』字！（知唔知阿峯係咪好冧個女？）佢冧女叻係人都知阿峯好稱職，所有嘢都做得好足！」另一好兄弟鄧智偉坦言兩星期前與林氏夫婦傾電話，當時兩口子沒有提到已生B，鄧智偉說：「佢哋都收得好密，可能想畀驚喜大家，恭喜佢哋。」
已為人父的梁競徽說：「有小朋友一定開心，恭喜佢加入我哋嘅Daddy's Club！」而剛與林峯合作拍劇的方中信表示：「佢依家喺內地拍劇，探老婆同個女都好近。一個老友有自己嘅小朋友，係人生另一階段，恭喜恭喜！」而曾與林峯同公司的鍾欣潼亦祝他們一家人圓滿幸福、BB健康成長。
來源 source: http://orientaldaily.on.cc
|
鍾意就快D Share啦！
|
|
|