莊思敏、陳欣妍、陳庭欣與栢天男等今晚於九龍灣欣賞電影《可不可以，你也剛好喜歡我》明星特別場。莊思敏妹妹莊思明被指拍新劇時為貼近男友楊明， 嚇窒劇中演楊明女友的許芯悅，報道出街後有指思明沉不住氣在網上開火指有人炒作。莊思敏表示有留意報道：「佢係比我更火爆，我都收咗火冇佢（莊思明）嘅場口應該唔會喺現場嘅，應該係一場誤會，我都盡量叫佢收火，有乜嘢私底下溝通就算，唔好喺網上講，不過佢係好衝動。」
提到中秋節，莊思敏表示老公身在台灣不在港，但已訂盆菜與家人慶祝，她謂已沒有見丈夫兩個月，她說：「之前佢都嚟過，每邊都要隔離14日，逗留咗個幾月。」問到是否專程來港造人？她坦言現已不設防：「隨緣啦，睇心情，而家冇避（孕），啲人話食大閘蟹會冇咁易有，但我好鍾意食，食埋今年先戒啦。」至於問到楊明近況，她即封口說：「唔答嘞，唔講佢」
另外，陳欣妍將會錄製ViuTV晚吹系列，而中秋節會跟男友沈震軒食月餅玩燈籠過節，問到男友將到大陸拍劇4個月，她指這次是跟男友分隔最耐的一次，問到怕男友遇到追擊女生嗎？她笑說：「唔驚！我哋都喜歡大家，互相信任同有信心，唔會諗太多。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|