黃祥興的細佬黃長發在2009年因教法文搭上年長16歲、育有5歲女兒的鞋王鄧劍群三奶李姿霆（Karen），當時兩人無懼世俗眼光，愛得高調又火熱，其後長發不惜為愛情而退出娛樂圈，可惜最後戀情在半年後火速玩完兼反面收場。身為長發哥哥的祥興，早前為大台節目擔任嘉賓，提到細佬當年的「姊弟戀」，一度感觸流淚，祥興說：「雖然嗰陣有啲人以為我係『黃長發』，搞到有啲代言嘅合約，甚至連公司嘅劇集角色都冇咗，但係我冇嬲過細佬，我哋係一家人嚟，我反而戥佢心痛，嗰陣成件事對佢打擊都好大，到而家佢仲係好驚啲人嘅眼神，我都有叫佢放棄唔好理，都咁多年喇，況且好多人都知佢結咗婚，有一個咁靚嘅老婆。」
不過，祥興都覺得在事件上，細佬有不足的地方：「嗰陣我有話佢，唔知咁多咩三奶、二奶，只係知道佢（李姿霆）大過你，又有小朋友，好似唔係咁好，點解唔你搵番個細過你，有自己小朋友同家庭，唔係仲好咩？」祥興亦為當年叫細佬來港發展和參選而感後悔：「其實細佬本身唔想嚟，因為我選完成家人嚟晒香港，有少少迫佢返嚟，佢唔鍾意，覺得香港唔適合佢，我喺《香港》呢三個月識咗好多朋友，公司亦畀好多機會，希望等佢成熟啲。點知之後就識到呢個女人，佢覺得對方對佢好好，好錫佢，但係我相信佢係有少少利用咗細佬，想去實現某啲目標，但佢（細佬）又太天真，以為真係愛情，嗰陣有好多報道佢都唔知點解出咗鏡，好明顯有熟人先夾到記者，細佬嗰時唔識呢啲。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
來源 source: http://hk.appledaily.com
|
鍾意就快D Share啦！
|
|
|
