人稱浣儀姐吳浣儀在1973年參加藝員訓練班加入電視圈發展，出道時年僅19歲，首部劇集《朱門怨》令她成功上位，原本星途一片光明，但她竟選擇兩度離開電視台，還記得浣儀姐曾接受《蘋果》訪問時，自稱自己以前很任性。
日前浣儀姐接受好友苑瓊丹在香港開電視節目《開工大吉》訪問，分享演藝生涯起落，回憶後生時喜愛夜蒲：「當年我都會周圍玩，收工要去蒲去飲嘢、跳舞之類，仲跳得好勁，年青時有人讚我幾靚，加上讀書時做過舞台劇，覺得自己鍾意做戲，電視賣廣告，又冇咩做咪試吓考訓練班，諗住唔得，點知又過晒關，所以真係整定。」浣儀姐初入行也是做閒角，自嘲又曳又惡死，所以角色只是做自己，自然好發揮。到了1975年，浣儀姐因待遇問題而發嬲離開電視台， 她說：「做咗兩年突然搵你做啲閒角，加上唔小心NG就會有說話聽『唉，冇船過海』當時我又開始拍拖，咪唔鬼做囉！」
浣儀姐當時戀愛大過天，再加上她不甘降呢做閒角，由朝等到晚都未埋位，最終愛情成為她離巢動力：「嗰陣另一半都冇話養起我，總之都係任性啦，做嘢冇諗過後果，跟住轉咗去佳視，點知最後執埋，咪去結婚囉。」浣儀姐24歲結婚，婚後育有三女一子，好景不常丈夫患上肺癌，其間浣儀姐要獨力支撐家庭、照顧丈夫及工作搵錢撲醫藥費，2005年老公不敵病魔離世，成為她人生最艱苦日子：「當時真係唔做唔得，仲要問鮑姐(鮑起靜)、羅蘭姐借錢過難關，要拍劇還債，不過我好得意，自身嘅事唔會點喊，會面對囉。」浣儀姐因要拍戲養家，親子時間不多，幸好四子女很生性，了解家庭的苦況，值得高興是四子女同樣在香港讀大學畢業，現在前程錦繡，二女當上飛機師，大女當上社工，令現時64歲浣儀姐可以老懷安慰享清福，但她仍期待好劇本降臨：「而家有戲拍咪拍囉，不過我係冇攞獎命㗎，當年都恨過吓想攞，而家都想嘅！但呢啲都係整定，最緊要開開心心、身體健康，睇開啲唔好轉牛角尖囉。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
