年底要賺夠200萬
牛津畢業並擁大律師執照的林作，六月公開跟會考零分的裕美拍拖後，林母隨即反對兒子跟離過婚的裕美交往，並表明兩人結婚，便斷絕母子關係。向來敢言的林作，面對母親態度企硬，曾揚言只要裕美有賺錢能力，最後一定會被接受。早前接受壹仔訪問，他更代裕美發誓，若女友的珠寶店《CHOK Jewellery》 年底賺不到200萬，從此在香港消失。
- 林作初追裕美，甫見面就話女方男友唔適合，最好分手跟他拍拖。
裕美指林作代發誓「唔夠數應該係佢消失」
離開12月尚有三個多月，問裕美距離目標還有多遠？林作搶發言：「我已經嘗試偷睇佢銀行存摺究竟有幾多錢，但佢原來唔睇，所以我都唔知佢條數有幾多。不過我可以話你知，最毒婦人心，所以佢可能已經秘密儲起一筆，詳細數字畀佢講。」裕美說：「其實都賺咗唔少。」
林作：「講個數字出嚟，一就一，二就二。」
裕美：「二百萬以內啦。」
林作：「即係癈話，如果達到就已經賣廣告，話自己賺咗幾多。」
裕美交波林作，笑言當日是他立誓，要「消失」應該是他不是自己。再問裕美有沒有達到目標的一半，她表示「不太理條數」，因有好友拍檔睇數，只知開業後生意一直不錯。
- 林作母親指裕美不夠高質，更預言阿仔有日會返轉頭，跟麥明詩復合，極具娛樂性。
裕美母親欣賞古董珠寶
原來，裕美母親很喜歡珠寶，小時候，母親會帶着她逛珠寶店，一逛就幾小時。自小耳濡目染，裕美自言對珠寶有一定程度認識。現在的網店，出售的有她喜歡的古董款式，也有潮流新款，她和拍檔更會替顧客度身訂造。不過令她意外的是，現今後生仔對一卡鑽戒價錢原來沒有概念，以為幾千蚊就可以買到一卡，試過有人落單要一卡求婚戒指，但只得幾千元預算。- 兩人接受訪問時，為送禮物一事講到火花四賤，孰真孰假？
林作否認打本搞生意
她說開始營業五個月，最大一宗交易接近十萬，雖然至今未達標，但對這盤生意，充滿信心。至於外間指林作是背後老闆，打本給女友做生意。裕美立即有反應：「佢咁孤寒，點會？」至於用男友名「CHOK」為珠寶店命名，她說：「坦白講，如果用一個女仔名，我會覺得好普通，如果用林作個名，就會特別啲，同埋其他人會容易記得。」- 林作真心認為女友最愛名牌手袋，留意大門放了一個C牌紙袋，應該是裕美生日，他給女友的生日禮物。
「你幫襯買3卡鑽戒送畀我」
問林作有冇幫襯以示支持，他有充份理由：「無呀。只係做生意，希望賺到更多錢，盡量少揮霍。」不過裕美就頗有意見，她說：「你可以喺公司買三卡鑽戒送畀我，我可以賺錢，又可以有禮物。」但林作有他的堅持：「應該要貨真價實咁做好盤生意，如果我幫你買，咁點算係真實？要organic，搵到外邊真實客人。」「叫你送禮物啫..講咁多」
林作稍作分析，裕美即爆發：「我明白，而家只不過叫你送禮物畀我啫，講咁多做咩！」見女友有點「激動」，林作理直氣壯：「一直都有送，係咪要計條數出嚟？係咪要計每個月送咗幾多萬？」- 生日蛋糕的朱古力牌，寫明送畀「老婆」裕美。
「只不過送咗兩個手袋」
林作跟裕美拍拖未夠一年，送過戒指和手袋給女友，裕美指最喜歡戒指，不過林作就認為女仔比較愛名牌包包：「佢最鍾意名牌手袋。」當問到送了幾多個手袋給女友，林作答「幾個啦。」此又再辣㷫女友，裕美說：「你慳啲啦，只不過兩個之嘛，其他嗰啲都係我自己買。」- 裕美的網店，以林作英文名字命名。
求和沒有迫切性
林作跟裕美，到底「真不滿」定「耍花槍」？！定下200萬目標，也不過是為解決女友跟林母之間的問題。不過，此時林作又不覺得並沒有急切性。
「當你睇到，幾千年以來猶太人祖居地以色列，同鄰國巴勒斯都無辦法和解，你呢啲問題更加難解決。人生有咁多問題，我咁多事忙，又唔覺得呢啲有咩迫切性。」
由媽媽朋友向展邦介紹入行做保險，林作近來既忙於訓練新加入團隊成員，又要跟客戶溝通，他說每天只睡四至五個小時，所以要分配時間跟女友和母親見面，已令他冇晒時間。
- 林作媽是事業型，手上有過億物業。
請即預購《噴火30年壹驚艷 性感女星典藏集》特刊，當年鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。
自取優惠價 港幣$83【按此搶購】
包運費價 港幣$110【按此搶購】
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|