今次擔任司儀，嘟嘟都係拍膊頭上陣象徵式收費。
藝人鄭裕玲（嘟嘟）今日為世姪女鄭欣宜加盟新公司記者會擔任司儀，問到嘟嘟是否被大會重金禮聘？她笑說：「真係啲錢畀番化妝、整頭。」拍膊頭上陣的嘟嘟坦言睇住欣宜大：「我覺得佢好乖，冇變壞，為自己事業奮鬥，我覺得欣宜係我哋香港人嘅集體回憶之一，因為好多人睇住佢大。」
嘟嘟也戥欣宜加盟新公司感到高興，更難得舉行記者會，她說：「啲記者會真係好耐冇開，今日開咗，好似娛樂圈都有嘢運行，有番啲氣氛，好值得嚟，（你好撐欣宜？）希望大家支持啦，都係經濟嚟，所有嘢要運行先得，大家多啲支持，我哋做藝人、歌手先可以繼續行落去，（有冇咩忠告欣宜？）佢好識諗，唔使忠告，佢又識唱歌又識跳舞，又開演唱會又拍電視、電影，依家做埋網紅，叻過我。」
來源 source: http://hk.on.cc
|
鍾意就快D Share啦！
|
|
|