早前政府因應疫情再出招！在中央全力支持下推行「全民檢測」，雖然被外界批評「浪費子彈」，不過身為政府「好友」的大台就擺明硬撐！最近，有消息指大台已向藝人下旨，要公開表態支持「全民檢測」。飯碗緊要！企硬say no的藝員唔算多，主持人陸浩明（6號）就係其中一個。話之泰山壓頂，仲有個藍到宣傳大灣區代言人肥媽做拍檔，6號依然企硬唔就範！
講錯嘢被圍剿
41歲的陸浩明，12 年由有線轉簽大台，主要做主持工作，算是近年上位最快的主持，有傳在高峰期，他月入近30 萬。因為口才了得同轉數高，加上有觀眾緣。而他拍住肥媽主持的《食平啲系列》，亦深受師奶歡迎，令他成功入屋。不過，今年3月，6號曾經出事！在其中一集《#後生仔傾吓偈》，講了一句「香港係沙士嘅源頭」，當時身旁的馮瑩瑩已即時幫他解圍，但最後都惹來大批網民圍剿，事後6號要喊晒口公開道歉。耍太極拒表態
唔知係咪見過鬼怕黑，關乎香港大事，6號都係選擇少講為妙。日前他為港姐做司儀，當晚有傳他被公司邀請表態支持「全民檢測」，但他卻大耍太極。疫情期間 ，6號仍要錄影《#後生仔傾吓偈》、《娛樂大家》等節目。幾乎日日開工，接觸大量同事，而且錄影期間，有機會要除低口罩，存在一定風險。但講到好多市民都質疑的「全民檢測」，6號話之泰山壓頂，都企硬唔做宣傳機器。不過他盡番市民應有的責任，一收工又或外出，都罩不離口。- 今年3月，6號在其中一集《#後生仔傾吓偈》，講了一句「香港係沙士嘅源頭」，惹來大批網民圍剿。
為女友做外賣仔
日前《壹仔》見到剛剛收工的6號，單拖去將軍澳一個商場，買外賣炸雞，之後再去超市買麵包，全程都戴住口罩。離開時，6號拎住兩人份量晚餐，急急腳走人，似乎趕住送外賣畀女朋友。
馮盈盈黎諾懿抗旨
另外，一向配合政府的大台，有指為「全民檢測」政策，早前廣發電郵全體員工，要求口徑一致。但據知除6號外，也有藝人唔肯就範。話說在港姐決賽當晚，同6號一齊主持《#後生仔傾吓偈》的一班拍檔，包括馮盈盈、林穎彤、戴祖儀都抗旨唔肯拍片支持驗測。而「仔細老婆嫩」的黎諾懿，同前輩級人馬Do 姐，一樣say No!- 在港姐決賽當晚，有指6號同Do 姐唔肯拍片支持驗測。
楊明孖女友齊做檢測
雖然係咁，但亦有唔少artist 自動波配合，好似曹永廉就帶住一家四口、工人姐姐，齊齊去檢測，更表示「做完心安理得」。而另一前輩級汪阿姐則表示自己雖然未登記，不過之後一定會去登記。至於早前懷疑醉駕炒車的楊明，已經帶埋女友莊思明，一齊去做檢測，大讚過程快、狠、準！不過此舉即被網民寸他:「檢測就做，酒精測試就拒做。」另一位「藍血人」姚瑩瑩，就話俾盜用身份證，搞到登記唔到，要walk in 做檢測。至於處境劇《愛回家》一眾演員，亦率先拍片支持，在劇集尾聲出現劉丹呼籲市民登記檢測的片段。 對於「全民檢測」活動，林鄭政府的目標人數是500 萬人參加，而家登記人數約100 萬，距離目標好遙遠。難怪作為政府「好友」的大台，都要出盡力，幫手宣傳一下
----------------------------
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|