2020年9月18日星期五

【男友操刀？】聽話女友Po遠鏡相暗騷身材　36E陳婉衡呻玩SUP曬傷嬌軀 #陳婉衡

【男友操刀？】聽話女友Po遠鏡相暗騷身材　36E陳婉衡呻玩SUP曬傷嬌軀

以往Alycia經常晒Close up正面照，但今次清一色遠距離拍攝。

就快入秋，一眾美女都把握機會出海，抓緊夏天的尾巴！近年不少藝人潮玩Wakesurf外，SUP立式划槳（Stand Up Paddle）亦深受大家歡迎，好似「細龍太」陳偉琪、前港姐黃嘉雯、王敏奕、連詩雅、薛凱琪等都有玩過，日前就輪到「36E咪神」陳婉衡（Alycia）去玩SUP，她昨日晒出3張靚相，大晒小麥色長腿與深坑，但有別以往的Close up正面圖，今輯照片清一色遠距離拍攝，真係要將幅相擘到大一大先「尋到寶」！未知是否學生男友「王先生」操刀呢？事關Alycia曾經透露過男友介意她狂Po火辣性感相，所以都會尊重對方減少派福利。

Alycia仲「划板」划出大道理，她留言；「The best love is the one that makes you into a better person, without changing you into someone other than yourself（最好的愛，是那個人讓你成為更好的人，而不會將原本的你改變成另一個人）.」不過一眾網友就唔多Care Alycia的愛情偉論，個個都專注討論她的Fit爆身形，她則表示SUP雖然好玩，但卻令她皮膚曬傷咗！